રાજકોટ-સુરત બાદ ભાવનગર અને ગીર સોમનાથમાં પણ PUBG પર પ્રતિબંધ લાગ્યો
રાજકોટ-સુરત બાદ ભાવનગર અને ગીર સોમનાથમાં પણ PUBG પર પ્રતિબંધ
ભાવનગરઃ મોબાઈલ ગેમ PUBGને લઈ ભાવનગર અને ગીર સોમનાથમાં ચર્ચા જાગી છે. આ ગેમ પર ગુજરાત સરકારે પ્રતિબંધ લગાવવાનું નક્કી કર્યું છે. સુરત અને રાજકોટમાં આ ગેમ રમવા પર પ્રતિબંધ લગાવ્યા બાદ હવે ભાવનગર અને ગીર સોમનાથમાં પણ આ રમત પર પ્રતિબંધ લગાવી દેવામાં આવ્યો છે. આ ગેમને વ્યસન, હાનિકારક અને વિચલિત ગણાવવામાં આવી છે. સરકાર તરફથી જાહેર કરવામાં આવેલ નોટિફિકેશન મુજબ આ ગેમ હિંસાને પ્રેરે છે તેથી રાજકોટ બાદ ભાવનગર અને ગીર સોમનાથ જિલ્લામાં પણ આ ગેમ પર પ્રતિબંધ લગાવી દેવામાં આવ્યો છે.
PUBG પર પ્રતિબંધ
આ ગેમ લોકપ્રિય હોવા છતાં તેના ખરાબ પાસાંએ ભારત અને ચીનમાં ભયના સંકેત આપ્યા છે. ખાસ કરીને ભારતમાં PUBGને હિંસાત્મક વર્તન સાથે સંકળાયેલ ગણવામાં આવી છે. આ ગેમના કારણે અભ્યાસમાં પણ વિદ્યાર્થીઓનું નબળું પ્રદર્શન થતું રહ્યું હોવાનું સામે આવ્યું છે. સૂચનામાં પણ ઉલ્લેખ કરવામાં આવ્યો છે કે આ રમત સમયાંતરે લોકોના વર્તનમાં ફેરફાર કરે છે.
સરકારે નોટિફિકેશન જાહેર કર્યું
નોટિફિકેશન મુજબ જો PUBG રમતાં કોઈ ઝડપાશે તો ઈન્ડિયન પીનલ કોડની કલમ 188 અંતર્ગત ગુનો નોંધવામાં આવશે. જો કે, પોલીસ, શિક્ષણ અને સંશોધન સંસ્થાઓને આમાંથી મુક્તિ આપવામાં આવી છે. રાજકોટમાં જિલ્લા વહીવટ તંત્રણ પણ PUBG પર પ્રતિબંધ લગાવવાની વિચારણા કરી રહ્યું છે. અગાઉ ગુજરાત સરકારે પ્રાથમિક શાળામાંથી PUBG ગેમ પર પ્રતિબંધ લગાવવામાં આવ્યો હતો. અમુક શૈક્ષણિક સંસ્થાઓએ PUBGના કારણે બાળકોના વર્તનમાં અને તેના અભ્યાસમાં અસર થતી હોવાનો દાવો કર્યો હતો. દિલ્હી કમિશન ફોર પ્રોટેક્શન ઑફ ટાઈલ્ડ રાઈટ્સ (DCPCR)એ પણ PUBG જેવી ગેમને ખતરનાક ગણાવી હતી.
લોક સિસ્ટમ લાવશે PUBG
દરમિયાન, PUBG એ 13 વર્ષથી ઓછી ઉંમરના વપરાશકર્તાઓ માટે ડિજિટલ લૉક અમલમાં મૂકવાનો નિર્ણય લીધો છે. 13 વર્ષની નાના બાળકો ગેમ નહિ રમી શકે અને ગેમ રમવા માટે પણ તેમના માતા-પિતા મારફતે જ આ ગેમને એક્ટિવ કરાવી શકાશે તેવી સુવિધા લાવવાનું PUBG વિચારી રહી છે.
Click it and Unblock the Notifications
Sign in with Google
