ગોધરાઃ કતલખાને જતા પશુ બચાવવા ગયેલી પોલીસ પર હુમલો

ગોધરા, 24 ઑક્ટોબરઃ ગોધરાના સંતલપુર ખાતે કતલ ખાને લઇ જવાતી ગાયોને બચાવવા ગયેલી પોલીસ અને ટોળા વચ્ચે અથડામણ થઇ છે. જેમાં પોલીસ દ્વારા હવામાં ફાયરિંગ અને ટીયરગેસના સેલ છોડવામાં આવ્યા હોવાના અહેવાલ છે.

મળતી માહિતી અનુસાર, સંતલપુર ખાતે ગાયોને કતલખાને લઇ જવામાં આવતી હોવાની બાતમી મળતા પોલીસે તપાસ હાથ ધરી હતી. જેમાં 30 ગાયોને પોલીસ દ્વારા બચાવી લેવામાં આવી છે, પરંતુ આ કામગીરી દરમિયાન પોલીસ અને ઉપસ્થિત ટોળા વચ્ચેનું વાતાવરણ ઉગ્ર થઇ જવા પામ્યુ હતું અને અથડામણ થઇ હતી.

પોલીસ પર ટોળા દ્વારા કરવામાં આવેલા હુમલાના પગલે પોલીસ સ્વરક્ષા કાજે હવામાં ફાયરિંગ કર્યું હતું અને ટોળાને વિખેરવા માટે ટીયરગેસના સેલ છોડ્યા હતા. આ અંગે પોલીસે વધુ તપાસ હાથ ધરી છે.

English summary

The group of people attacked on police when they came to save animal who sent to slaughter house.