બનાસકાંઠામાં ડોક્ટરની અછતના કારણે લોકોને પડી રહી છે મુશ્કેલી

બનાસકાંઠા આરોગ્ય ક્ષેત્રે હજી પણ પછાત રહી ગયું છે. અહીં ડોક્ટરોની કમીના કારણે સ્થાનિકોને ભારે મુશ્કેલીનો સામનો કરવો પડી રહ્યો છે. એક તરફ રોડ અકસ્માતમાં વધારો થઇ રહ્યો છે. ત્યારે સમયસર સારવાર ન મળતા ઘણીવાર લોકોએ જીવ ગુમાવવા પડી રહ્યા છે.

બાઇક ચાલકે બાળકને અડફેટે લીધુ

પાલનપુરના ધણીયાણા પાસે એક બાઇક સવારે માસુમ બાળકને અડફેટે લેતા ગંભીર રીતે ઘાયલ થઇ ગયું હતું. તેને સારવાર માટે પાલનપુર હોસ્પિટલમાં ખસેડવામાં આવ્યો હતો. અહીં ફરજ બજાવતા ડોક્ટરે સારવાર દરમિયાન બાળકને મૃત જાહેર કર્યું હતું. પરીવાર જનોમાં શોકની લાગણી પ્રવર્તી હતી.

પોલીસે અકસ્માતનો ગુનો નોંધ્યો

મળતી માહિતિ મુજબ અમીરગઢના પતિ-પત્ની ખેતમજુરી માટે પાલનપુર બાજુ આવતા હતા. આ દરમિયાન બાઇખ સવારે બાળકને અડફેટે લીધું હતું. આ ઘટનાની જાણ થતા પોલીસનો કાફલો ઘટના સ્થળે પહોંચી ગયો હતો. પોલીસે અજાણ્યા બાઇક સવાર વિરૂદ્ધ અકસ્માતનો ગુનો નોંધીને તેની ધરપકડ કરવા ચક્રો ગતિમાન કર્યા છે.

સ્થાનિકોએ સરકારને કરી અપીલ

બીજી તરફ સ્થાનિકેઓ ડોક્ટર અને હોસ્પિટલ પર ગંભીર આરોપ લગાવ્યા છે. લોકોનું કહેવું છેકે લાખણી આરોગ્ય કેન્દ્રમાં 3-4 કલાક રાહ જોવડાવે છે. અહીં ડોક્ટર હાજર હોતા નથી. સ્થાનિકોએ ભાજપ સરકારને પણ અપીલ કરી હતી કે બનાસકાંઠામાં ડોક્ટરનો વધારો કરે અને લોકોને પડતી મુશ્કેલીમાં ઘટાડો થાય તેવી વ્યવસ્થા કરે.

આ પણ વાંચો: રાજુલામાં હોસ્પિટલ માટે માયાભાઈ આહીરે દાન આપી 1 કરોડની જમીન

English summary

Banaskantha is facing problems due to lack of doctors