Click it and Unblock the Notifications
Just In
-
-
-
-
Don't Miss
-
તમારો પાસવર્ડ હૅક થઈ શકે એમ છે કે નહીં? બસ આ રીતે જાણો -
#BlueWarrior બનો! ભારતના કોવિડ વૉરિયર્સની મદદ માટે જોશ એપના અભિયાનમાં ભાગ લો
પહેલા ડ્રાઇવર, પછી એક્ટર અને હવે 6ઠ્ઠીવાર બન્યા MLA!
વડોદરા બેઠક પરથી મધુ શ્રીવાસ્તવ ફરી એકવાર વિજેતા સાબિત થયા છે. ભાજપના ધારાસભ્ય મધુ શ્રીવાસ્તવની વાર્તા ઘણી રસપ્રદ છે. તેમના વિશે વધુ વાંચો અહીં.
વડોદરા બેઠક પરથી મધુ શ્રીવાસ્તવ ફરી એકવાર વિજેતા સાબિત થયા છે. ભાજપના ધારાસભ્ય મધુ શ્રીવાસ્તવની વાર્તા ઘણી રસપ્રદ છે. રાજનેતા બનતા પહેલાં તેઓ એક અભિનેતા હતા અને એ પહેલાં તેઓ રેલવેમાં ડ્રાઇવર હતા. મધુ શ્રીવાસ્તવ અનેક ગુજરાતી ફિલ્મોમાં જોવા મળ્યા છે. તેઓ ભાજપમાં કિંગ મેકરન ભૂમિકા ભજવી ચૂક્યાં છે. શંકરસિંહ વાઘેલાથી માંડીને નરેન્દ્ર મોદી સુધી તમામને મુખ્યમંત્રી બનાવવાની ભૂમિકા તેઓ ભજવી ચૂક્યાં છે.
વિવાદો સાથે જૂનો સંબંધ
મધુ શ્રીવાસ્તવને વિવાદો સાથે જૂનો સંબંધ છે. તેઓ પોતાની બાહુબલી છબિ માટે જાણીતા છે. વર્ષ 2002માં બેસ્ટ કાંડ બાદ તેઓ ખૂબ ચર્ચામાં આવ્યા હતા. તેમની પર આરોપ હતો કે, તેમણે આ મામલાની પ્રમુખ સાક્ષી ઝહિરા શેખને જીવથી મારી નાંખવાની ધમકી આપી હતી. જો કે, તેમણે હંમેશા આ આરોપો નકાર્યા છે.
એક્ટિંગનો છે શોખ
મધુ શ્રીવાસ્તવને રાજકારણ સિવાય સિંગિંગ અને એક્ટિંગનો પણ શોખ છે. ગુજરાતી ફિલ્મોમાં તેમને એક અલગ ઓળખાણ મળી છે. થોડા સમય પહેલાં જ તેઓ એક ગુજરાતી ફિલ્મમાં એનકાઉન્ટર સ્પેશ્યાલિસ્ટનો રોલ નિભાવતા જોવા મળ્યા છે. તેમની આ ફિલ્મ બે ભાઇઓની વાર્તા પર આધારિત હતી. આ ફિલ્મના એક સિનમાં તેઓ મંત્રીના પીએને થપ્પડ મારતા નજરે પડે છે.
રાજકારણમાં આગવી ઓળખાણ
મધુ પહેલા રેલવેમાં ડ્રાઇવરહતા અને પછી રાજકારણમાં આવ્યા. તે સમયે તેમણે શંકરસિંહ વાઘેલાને મુખ્યમંત્રી બનાવવામાં મોટી ભૂમિકા ભજવી હતી. એ પછી તેમણે કેશુભાઇ પટેલ અને નરેન્દ્ર મોદીને મુખ્યમંત્રી બનાવવામાં પણ મોટી ભૂમિકા ભજવી હતી. આ કારણે રાજકારણમાં તેમની આગવી ઓળખાણ ઊભી થઇ છે.
