ગુજરાત ભાજપ ની રવિવારે નવો વ્યૂહ ઘડવા બેઠક
પ્રાપ્ત માહિતી અનુસાર આ બેઠકમાં ભાગ લેવા માટે ગુજરાતભરના ભાજપના હોદ્દેદારોને હાઇકમાન્ડે સૂચના આપી છે. આ બેઠકમાં સંગઠનની રચના અને લોકસભાની ચૂંટણીને ધ્યાનમાં રાખીને આગામી કાર્યક્રમો ઘડવા અંગે પણ વિસ્તારથી ચર્ચા કરવામાં આવશે.
ગાંધીનગરમાં આવેલી સ્ટાફ ટ્રેઇનિંગ કોલેજ ખાતે રવિવારે સવારે 10 વાગે મળનારી બેઠકમાં ગુજરાતના મુખ્યમંત્રી અને એનડીએના સંભવિત વડાપ્રધાન પદના ઉમેદવાર નરેન્દ્ર મોદી હાજરી આપશે. આ ઉપરાંત બેઠક ભાજપના પ્રદેશ અધ્યક્ષ આર સી ફળદુ અને ભાજપના રાષ્ટ્રીય ઉપાધ્યક્ષ પરસોત્તમ રૂપાલાની અધ્યક્ષતામાં યોજાશે.
ભાજપના અગ્રણીઓ કાર્યકરોને માર્ગદર્શન આપશે. આ ઉપરાંત લોકસભા ચૂંટણી 2014, ભાજપનો સ્થાપના દિન, સંગઢનની ચૂંટણીની બાકી પ્રક્રિયા સહિતના વિવિધ કાર્યોને પાર પાડવા માટેની ચર્ચા કરવામાં આવશે. આ રવિવારે યોજાનારી બેઠકમાં પ્રદેશ ભાજપના હોદ્દેદારો, મોરચાના પ્રદેશ પ્રમુખો, જિલ્લા પ્રમુખો, મહામંત્રીઓ, સંગઠન રચનાના તમામ સ્તરના હોદ્દેદારો વગેરે તથા ઇન્ચાર્જ હાજર રહેશે.
Click it and Unblock the Notifications
Sign in with Google
