ગુજરાતની સરહદેથી પાકિસ્તાની નાગરિક ઝડપાયો, સુરક્ષા એજન્સીઓએ પૂછપરછ શરૂ કરી

પાટણ જિલ્લામાં આવેલી આંતરરાષ્ટ્રીય સરહદ પરથી એક પાકિસ્તાની નાગરિક ઝડપાતાં સુરક્ષા એજન્સીઓ સતર્ક બની છે. બોર્ડર સિક્યુરિટી ફોર્સ (BSF)ના જવાનોએ સરહદના પિલ્લર નંબર 981 નજીકથી આ શખ્સની અટકાયત કરી છે.

ઝડપાયેલા પાકિસ્તાની નાગરિકની ઉંમર અંદાજે 49 વર્ષ છે. પ્રાથમિક માહિતી મુજબ, આ શખ્સ પાકિસ્તાનના ચિનિયોટ જિલ્લાનો રહેવાસી છે. તે ભારતીય સીમામાં કેવી રીતે પ્રવેશ્યો અને તેનો હેતુ શું હતો તે અંગે હાલ તપાસ ચાલી રહી છે.

પાકિસ્તાની નાગરિકની અટકાયત બાદ હવે તેની પૂછપરછ શરૂ કરવામાં આવી છે. આ તપાસમાં BSF, સ્થાનિક પોલીસ અને ગુપ્તચર એજન્સીઓના અધિકારીઓ સામેલ છે.

સુરક્ષા એજન્સીઓ તપાસ કરી રહી છે કે આ વ્યક્તિ કોઈ જાસૂસી મિશન પર હતો કે પછી તે ભૂલથી ભારતીય સીમામાં પ્રવેશ્યો છે. આંતરરાષ્ટ્રીય સરહદ પર કોઈ વિદેશી નાગરિક ઝડપાવાની આ ઘટનાને પગલે સરહદી વિસ્તારોમાં સુરક્ષા વ્યવસ્થા વધુ સઘન બનાવી દેવામાં આવી છે.

English summary

Pakistani National Arrested at Gujarat's Patan Border; Security Agencies Begin Interrogation