મંજૂરી ન મળતાં હવે હાર્દિક ઘરે જ ભૂખ હડતાળ પર ઉતરશે!

પાટીદાર અનામત આંદોલન સમિતિના નેતા હાર્દિક પટેલ 25મી ઓગસ્ટથી નિકોલમાં 13 દિવસના ઉપવાસ પર ઉતરવાનો હતો, જો કે તંત્રએ હાર્દિક પટેલને નિકોલમાં ઉપવાસ કરવાની મંજૂરી ન આપી. આખરે હાર્દિકે વૈષ્ણોદેવી સર્કલ પાસે આવેલા પોતાના ઘરે જ ઉપવાસ પર ઉતરવાનો નિર્ણય કર્યો છે. જણાવી ધઈએ કે PAASએ ગાંધીનગરના સેક્ટર 6માં પણ ઉપવાસ કરવા માટે મંજૂરી માગી હતી.

હાર્દિકના ઘરે ઉપવાસ કરીશું

ધાર્મિક માલવિયાએ કહ્યું, "કોઈપણ સ્થિતિમાં અમને ગાંધીનગરમાં પણ ઉપવાસ કરવાની મંજૂરી આપવામાં નહીં આવે. ત્યારે અમે ક્યાંય નહીં તો હાર્દિક પટેલના ઘરે ઉપવાસ પર ઉતરશું." ધમકીના સૂરમાં ધાર્મિક માલવિયાએ વધુ કહ્યું કે જો હાર્દિક પટેલના ઘરે પણ ઉપવાસ કરતા અટકાવવામાં આવશે તો તેનું પરિણામ ભોગવવું પડશે.

જેલમાં જઈને ભૂખહડતાળ પર ઉતરીશ

હાર્દિક પટેલે કહ્યું કે, "મને ભરોસો છે કે રામોલ કેસમાં 25 ઓગસ્ટ પહેલાં જ મારી ધરપકડ કરી લેવામાં આવશે. તેમ છતાં હું જેલમાં જઈને ભૂખહડતાળ પર ઉતરીશ. અને મારે જેલ જવાનું થાય તો મારા ઘરે મારા સમર્થકો ભૂખહડતાળ પર ઉતરશે."

उपवास आंदोलन को रोकने के लिए अहमदाबाद में धारा 144 लागू की है।बड़ा ताज्जुब होता है कि संवैधानिक तरीके से किसी को भी आंदोलन करने का अधिकार है फिर भी गुजरात की BJP सरकार उपवास आंदोलन करने से भी आंदोलनकारियों को रोक रही है।पुलिस ने पंडाल लगाने वालों को कहाँ की तीन घंटे में सब हटा ले

— Hardik Patel (@HardikPatel_) August 20, 2018

ભાજપ સરકાર પર આકરા પ્રહારો

દરમિયાન હાર્દિકે ટ્વિટ કરી ભાજપ સરકાર પર આકરા પ્રહારો કર્યા હતા. હાર્દિકે એક ટ્વિટમાં લખ્યું, "આંદોલનને રોકવા અમદાવાદમાં કલમ 144 લાગુ કરી દેવામાં આવી. આશ્ચર્યની વાત છે કે સંવૈધાનિક રીતે કોઈને પણ આંદોલન કરવાનો અધિકાર છે છતાં ગુજરાતમાં ભાજપ સરકાર ભૂખ હડતાળ કરવાથી આંદોલનકારીઓને રોકી રહી છે."

आज़ादी ख़त्म
भारतीय जनता पार्टी की सरकार के आदेश पर हमारे आंदोलनकारीयों की गिरफ़्तारी चल रही हैं।लगातार आंदोलनकारीयों को जान से मार देनी की धमकी भाजपा के नेता दे रहे हैं।18/20 साल के युवाओं को पिछले २४ घंटे से जेल में रखा हैं।उपवास आंदोलन को रोकने के लिए भाजपा अंग्रेज़ बन गई हैं। pic.twitter.com/aWsABqHznV

— Hardik Patel (@HardikPatel_) August 21, 2018

આઝાદી ખતમ!

અન્ય એક ટ્વિટમાં હાર્દિકે લખ્યું કે, "આઝાદી ખતમ! ભાજપ સરકારના ઈશારે અમારા આંદોલનકારીઓની ધરપકડ થઈ રહી છે. ભાજપના નેતાઓ આંદોલનકારીઓને મારવાની સતત ધમકીઓ આપી રહ્યા છે. 18-20 વર્ષના યુવાનોને છેલ્લી 24 કલાકથી જેલમાં બંધ કરીને રાખ્યા છે. ભૂખ હડતાળ રોકવા માટે ભાજપ સરકાર અંગ્રેજ બની ગઈ છે."

English summary

hardik patel will sit on fast at his home from 25th august.