હજીરા સ્ટીલ પ્લાન્ટ 2029 સુધીમાં 24 મિલિયન ટનની ક્ષમતા ધરાવશે: લક્ષ્મી મિત્તલ

VGGS 2024: કંપનીના એક્ઝિક્યુટિવ ચેરમેન લક્ષ્મી મિત્તલ દ્વારા વાઇબ્રન્ટ ગુજરાત ગ્લોબલ સમિટ 2024 દરમિયાન જાહેરાત કરવામાં આવી હતી કે, આર્સેલર મિત્તલ નિપ્પોન સ્ટીલનો હજીરા પ્લાન્ટ 2029 સુધીમાં 24 મિલિયન ટનની ક્ષમતા સાથે વિશ્વની સૌથી મોટી સ્ટીલ ઉત્પાદક ફેક્ટરીઓમાંની એક હશે.

આ કાર્યક્રમને સંબોધતા લક્ષ્મી મિત્તલે જણાવ્યું હતું કે, ગુજરાતએ ચાર વર્ષ પહેલાં આર્સેલર મિત્તલ નિપ્પોન સ્ટીલનું સ્વાગત કર્યું હતું અને 2021માં વડાપ્રધાન અને મુખ્યપ્રધાને અમારા હજીરા વિસ્તરણ પ્રોજેક્ટનું ભૂમિપૂજન કર્યું હતું. મને એ કહેતા ગર્વ થાય છે કે, આ વિસ્તરણ પ્રોજેક્ટ ખૂબ જ ઝડપી ગતિએ આગળ વધી રહ્યો છે અને 2026 સુધીમાં તબક્કો 1 શરૂ થવાનો છે.

લક્ષ્મી મિત્તલે જણાવ્યું હતું કે, આજે વાઇબ્રન્ટ ગુજરાત 2024ના અવસર પર, અમે આ પ્રોજેક્ટના બીજા તબક્કા માટે એમઓયુ પર હસ્તાક્ષર કર્યા છે, અને જ્યારે આ પ્રોજેક્ટ 2029માં પૂર્ણ થશે, ત્યારે આ હજીરા સાઇટ વિશ્વના સૌથી મોટા સિંગલ-લોકેશન ઇન્ટિગ્રેટેડ સ્ટીલ પ્લાન્ટ્સમાંની એક બની જશે.

લક્ષ્મી મિત્તલે જણાવ્યું હતું કે, વાર્ષિક 24 મિલિયન ટનની ક્ષમતા. અમે માનીએ છીએ કે ગુજરાત સરકારના સહયોગથી અમે પાંચ વર્ષમાં આ પ્રોજેક્ટને અમલમાં મુકી શકીશું.

"मैं ये कहना चाहता हूँ कि देश के लिए अगले 20 साल बहुत महत्त्वपूर्ण हैं और मैं आप सब लोगों को विश्वास दिलाना चाहता हूँ कि आत्मनिर्भर और विकसित भारत 2047 के विजन को पूरा करने के लिए हम रेडी हैं।"

Shri Laxmi Mittal
(Executive Chairman, Arcelor Mittal)#VibrantGujaratGlobalSummit pic.twitter.com/jKgkGwC2wC

— Gujarat Information (@InfoGujarat) January 10, 2024

English summary

Hazira Steel Plant to have 24 million tonnes capacity by 2029 said Lakshmi Mittal