અમદાવાદ પશ્ચિમઃ અહી દાવ પર છે મોદીની પ્રતિષ્ઠા!

Updated: Tuesday, April 29, 2014, 16:00 [IST]

ગુજરાતમાં લોકસભા ચૂંટણી 2014ની ચૂંટણી માટે 30 એપ્રિલના રોજ મતદાન થવાનું છે. ગુજરાતની 26 બેઠકોમાંથી ઘણી બેઠકો એવી છેકે જે 2009ની લોકસભાની ચૂંટણી નિર્માણ પામી હતી. જેમાંની અમદાવાદ પશ્ચિમ બેઠક છે. જે પ્રકારે દેશમાં મોદીની આંધી અને ભાજપની લહેર જોવા મળી રહી છે, તેને જોતા ભાજપ પોતાની આ બેઠક પર વિજય સુનિશ્ચિત કરી શકે છે, તેમ છતાં અંતિમ નિર્ણય જનતાનો હોય છે, મતદાતાઓનો મિજાજ આ વખતે કેવો છે તે 30 એપ્રિલના રોજ થનારા મતદાન અને 16મી મેનાં રોજ આવનારા પરિણામ બાદ જ માલુમ પડશે.

અમદાવાદ પશ્ચિમ બેઠકની વાત કરવામાં આવે તો 2009માં થયેલી લોકસભાની ચૂંટણીમાં આ બેઠક પર ભાજપના ઉમેદવાર કિરીટ સોલંકીનો વિજય થયો હતો. તેઓ 91 હજાર મતોની સરસાઇથી વિજેતા થયા હતા, ભાજપે આ વખતે પણ તેમના પર જ પસંદગી ઉતારી છે. જ્યારે બીજી તરફ કોંગ્રેસે 2009માં શૈલેષ પરમારને મેદાનમાં ઉતાર્યા હતા, પરંતુ તેઓ જીતી શક્યા નહોતા આ વખતે કોંગ્રેસે ઇશ્વર મકવાણાને પોતાના ઉમેદવાર બનાવ્યા છે, ત્યારે તેમના પર આ બેઠક પર વિજયી થવાનું દબાણ જરૂરથી રહેશે, બીજી તરફ આ બેઠક અતંર્ગત નરેન્દ્ર મોદીની વિધાનસભા બેઠક પણ આવે છે, તેથી તેનો સીધો લાભ કિરીટ સોંલકીને થઇ શકે છે, તો ચાલો તસવીરો થકી આ બેઠક પર આછેરી નજર ફેરવીએ.