અમેરિકાએ આપ્યો મોદીને ઝટકોઃ વિઝા પોલીસીમાં નહીં કરાય ફેરફાર

નવી દિલ્હી, 19 ફેબ્રુઆરીઃ એક તરફ ગુજરાતના વિકાસ અને મુખ્યમંત્રી નરેન્દ્ર મોદીના નેતૃત્વના વખાણ યુએસના સાંસદ દ્વારા કરવામાં આવી રહ્યાં છે તો બીજી તરફ અમેરિકા દ્વારા મોદીને વિઝા આપવાને લઇને હજુ સુધી હળવું વલણ અપનાવવામાં આવી રહ્યું નથી. તાજી માહિતી અનુસાર મુખ્યમંત્રી નરેન્દ્ર મોદીને અમેરિકા જવા માટે વિઝા નહીં આપવામાં આવે. અમેરિકાએ કહ્યું છે કે તે ગુજરાતના મુખ્યમંત્રી મોદીને વિઝા નહીં આપે. તેણે કહ્યું કે જ્યા સુધી અદાલતનો નિર્ણય નથી આવતો, મોદી વિરુદ્ધના તમામ કેસ ખત્મ નથી થઇ જતા ત્યાં સુધી વિઝા નીતિ પર વિચાર કરવામાં નહીં આવે. અમેરિકા મોદીને લઇને પોતાની વિઝા નીતિમાં કોઇ ફેરફાર નહીં કરે.

બીજી તરફ કોંગ્રેસના નેતા રાશિદ અલ્વીએ અમેરિકાના આ નિર્ણય પર કહ્યું છે કે અમેરિકાના પોતાના નિયમ અને કાયદા છે. વિઝા આપવા કે નહીં તે તેનો મામલો છે. જ્યારે અલ્વીને પૂછવામાં આવ્યુંકે અમેરિકા મોદીને વિઝા નહીં આપવાનો શું ઝટકો છે? તો તેમણે કહ્યું કે આ અંગે મોદી અને ભાજપે વિચારવું જોઇએ. ભાજપે ચિંતન કરવું જોઇએ.

રાશિદ અલ્વીએ કહ્યું કે, એક વ્યક્તિ એ જ વિચારશે કે 2002ના કારણે મોદીને વિઝા નથી મળી રહ્યાં. તેનાથી કોંગ્રેસ પાર્ટીનો મામલો નથી. આ ભાજપનો આંતરિક મામલો છે. તેના પર ભાજપે આત્મમંથન કરવું જોઇએ.

નોંધનીય છે કે, અમેરિકાના એક સાંસદે અમેરિકન સરકારને ગુજરાતના મુખ્યમંત્રી નરેન્દ્ર મોદીની દૂરદૃષ્ટિ અને વિચારોનું એવું કહીને ખુલ્લુ અને પૂર્ણરીતે સમર્થન કર્યું છે કે, તેમના અસાધારણ નેતૃત્વના કારણે તેમનું રાજ્ય દેશની આર્થિક મહાશક્તિ છે. અમેરિકન સાંસદ એપ એન ફાલેઓમાવેગાએ બુધવારે અમેરિકાન સંસસદના પ્રતિનિધિ સભામાં આપેલા પોતાના સંબોધનમાં કહ્યું કે આવી સફળતા સાથે હું એવી આશા કરું છું કે અમેરિકાન હવે ગુજરાત પ્રત્યે નવી દૃષ્ટિ અપનાવશે અને મુખ્યમંત્રી નરેન્દ્ર મોદીને પૂર્ણ અને ખુલ્લી રીતે સમર્થન કરશે કારણ કે તે આખા વિશ્વના લોકોના જીવન સ્તરમાં સુધારો લાવવા ઘરેલુ અને વિદેશોમાં નોકરીઓ સુજિત કરીને વિશ્વની અર્થવ્યવસ્થાને સારી બનાવવાની દિશામાં કાર્ય કરી રહ્યાં છે.

English summary

The European Union and the United Kingdom may have had a rethink on Gujarat Chief Minister Narendra Modi, but the USA is certainly not warming up to the Bharatiya Janata Party (BJP) leader.