સરક્રીકમાંથી વધુ એક પાકિસ્તાન બોટ મળી આવી, કુલ સંખ્યા થઇ 4

ગુરુવારે સર્ચ ઓપરેશન દરમિયાન ગુજરાતના કચ્છ વિસ્તારમાંથી ભારત પાકિસ્તાનની જળ સીમામાં બીએસએફને પેટ્રોલિંગ દરમિયાન કુલ 4 બોટ મળી.વધુ જાણો અહીં.

Published: Friday, February 3, 2017, 10:28 [IST]

બીએસએફના જવાનાને ગુજરતના કચ્છ જિલ્લામાં આવેલ સરક્રિકમાંથી વધુ એક બિનવારસી બોટ મળી છે. નોંધનીય છે આ ચોથી બિનવારસી બોટ છે જે 4 દિવસની અંદર મળી આવી છે. બિન વારસી બોટ મળવાની ઘટના બાદ બી.એસ.એફ દ્વારા આસપાસના વિસ્તારમાં સધન સર્ચ ઓપરેશન હાથ ધરવામાં આવ્યું. અને આ ચારેય બોટ અને તેમાંથી મળેલ સામાનને કોટેશ્વર લવાવામાં આવશે. અને તેની વધુ તપાસ હાથ ધરવામાં આવશે.

નોંધનીય છે કે આ નાવમાં શંકાસ્પદ વસ્તુઓ હાલ કંઇ નથી મળી આવી પણ હાલના સમયમાં આવી બિનવારસી પાકિસ્તાની નાવની સંખ્યા વધી છે. જે એક ચિંતાનો વિષય છે. આ પહેલા પણ સરક્રિક અને હરામીનાલા વિસ્તારમાં આવી પાકિસ્તાની નાવો જોવા મળી હતી. જો કે થોડા સમય પહેલા પાકિસ્તાની માછીમારો સાથે પણ બોટ પકડાઇ હતી. જો કે હાલ જે ચાર બોટ મળી છે તે તમામ ખાલી બોટ હતી.

Published On February 3, 2017