OBC નેતા અલ્પેશ ઠાકોર સહીત આંગણવાડી બહેનોની અટકાયત

અલ્પેશ ઠાકોર અને આંગવાડી બહેનોની અટક પર એકતા મંચના કાર્યકર્તાઓએ બાળ્યા ટાયર અને રોક્યા રસ્તાઓ. વધુ જાણો અહીં

અલ્પેશ ઠાકોરની આગેવાનીમાં આંગણવાડી અને આશા વર્કરો તેમના પડતર પ્રશ્નોને લઇ પ્રદર્શન કરવાના હતા. પણ પોલીસે પ્રદર્શન કરે પહેલા અટકાયત કરી હતી, પોલીસે અટકાયત કરતા શાબ્દિક ટપાટપી પણ થઇ હતી. જે બાદ મોટી સંખ્યા મહિલા પોલીસ કર્મીઓ આંગણવાડી મહિલાઓની અટક કરી લીધી હતી. સાથે જ અલ્પેશ ઠાકોરની પણ અટક કરવામાં આવી હતી.

વડા પ્રધાન નરેન્દ્ર મોદી ગુજરાતમાં આવ્યા હોવાથી આજે કલેકટર કચેરી ખાતે અલ્પેશ ઠાકોરની આગેવાનીમાં મોટી સંખ્યામાં આંગણવાડી અને આશા વર્કર બહેનો વિરોધ કરવાના હતા. જોકે વિરોધ કરે પહેલા પોલીસે તમામની અટક કરી લીધી હતી. ત્યારે અપ્લેશ ઠાકોરની અટક બાદ ઓબીસી કાર્યકર્તાઓ દ્વારા સુરેન્દ્રનગર, બનાસકાંઠા અને રાજકોટમાં ચક્કાજામ કરીને ટાયરો બાળીને આ અંગે વિરોધ કરવામાં આવ્યો હતો.

નોંધનીય છે કે આંગણવાડી અને આશાવર્કર બહેનો દ્વારા છેલ્લા એક મહિનાથી વિરોધ કરવામાં આવી રહ્યો છે અને બહેનો હાલ હડતાળ પર ઉતરી છે. પણ સરકાર આ બધું અદેખું કરતી હોય તેવું લાગી રહ્યું છે. બીજી બાજુ સરકાર દ્વારા બજેટ આંગણવાડી બહેનોને ૧૫ % ટકા વધારો આપી લોલીપોપ આપી હોય તેવું આંગણવાડી બહેનો જણાવી રહ્યા છે.

English summary

Police arrested Alpesh Thakor and Anganwadi worker. After that Ekta Manch worker burn tyre and block the road