રવિન્દ્ર જાડેજા ચૂંટણીના મેદાનમાં ઉતર્યા, રિવાબા માટે પ્રચાર કરતા જોવા મળ્યા.
ભારતીય ક્રિકેટર અને ઓલરાઉન્ડર રવિન્દ્ર જાડેજાએ પણ ગુજરાત વિધાનસભા ચૂંટણીમાં ઝંપલાવ્યુ છે. હાલમાં જ રવિન્દ્ર જાડેજા તેની પત્ની રિવાબા જાડેજા માટે પ્રચાર કરતા જોવા મળ્યા હતા.
ભારતીય ક્રિકેટર અને ઓલરાઉન્ડર રવિન્દ્ર જાડેજાએ પણ ગુજરાત વિધાનસભા ચૂંટણીમાં ઝંપલાવ્યુ છે. હાલમાં જ રવિન્દ્ર જાડેજા તેની પત્ની રિવાબા જાડેજા માટે પ્રચાર કરતા જોવા મળ્યા હતા.
હાલમાં જ રવિન્દ્ર જાડેજાએ ટ્વિટર પર એક વિડિયો જારી કર્યો હતો. આ વીડિયોમાં જાડેજા જામનગરના લોકો પાસે રીવાબા જાડેજા માટે સમર્થન માંગતા જોવા મળ્યા હતા. રવિન્દ્ર જાડેજાએ વીડિયોમાં લોકોને નોમિનેશનમાં જોડાવા આમંત્રણ આપ્યુ હતું.
તમને જણાવી દઈએ કે રિવાબા જાડેજા જામનગર ઉત્તરથી બીજેપીની ટિકિટ પર ચૂંટણી લડી રહ્યા છે. ત્યારે હવે રવિન્દ્ર જાડેજા તેના સમર્થનમાં મેદાને ઉતર્યા છે.
જામનગર ના મારા તમામ મિત્રો ને મારુ દીલ થી આમંત્રણ છે. જય માતાજી🙏🏻 pic.twitter.com/olZxvYVr3t
— Ravindrasinh jadeja (@imjadeja) November 13, 2022
હાલ રવિન્દ્ર જાડેજાએ વીડિયો જારી કરી લોકોને અપીલ કરી છે પરંતુ માનવામાં આવે છે કે ટૂંક સમયમાં જાડેજા રસ્તાઓ પર પણ રીવાબાના સમર્થનમાં પ્રચાર કરશે. તમને જણાવી દઈએ કે ગુજરાતમાં બે તબક્કામાં મતદાન થશે. પ્રથમ તબક્કાનું મતદાન 1 ડિસેમ્બરે અને બીજા તબક્કાનું મતદાન 5 ડિસેમ્બરે થશે. જામનગરમાં પ્રથમ તબક્કામાં મતદાન યોજાશે.