વડાપ્રધાન નરેન્દ્ર મોદી માટે આ પ્રકારે કરવામાં આવી છે સુરક્ષા વ્યવસ્થા

વડાપ્રધાન નરેન્દ્ર મોદી આજે ગુજરાતની મુલાકાતે છે. ત્યારે ડીસા ખાાતેના તેમના કાર્યક્રમમાં ખાસ સુરક્ષા વ્યવસ્થા કરવામાં આવી છે.

વડાપ્રધાન નરેન્દ્ર મોદી આજે ગુજરાતની મુલાકાતે છે. સવારે 10 વાગે વડાપ્રધાન નરેન્દ્ર મોદી અમદાવાદ એરપોર્ટ પર પહોંચશે. અને તે બાદ તે ત્યાંથી ડીસા જવા નીકળી જશે. જ્યાં તેઓ 350 કરોડના ખર્ચે તૈયાર કરવામાં આવેલા બનાસ ડેરીના ચીઝ પ્લાન્ટનું ઉદ્ધાટન કરશે. નોંધનીય છે કે વડાપ્રધાન જ્યારે ડીસાની મુલાકાતે છે ત્યારે તેમની સુરક્ષા માટે ખાસ વ્યવસ્થા કરવામાં આવી છે.

ત્યારે ગુજરાત સરકાર દ્વારા ડીસાના કાર્યક્રમમાં નાગરિકોને લાવવા લઇ જવા માટે 500 બસોની માંગણી કરવામાં આવી છે. તો પીએમની સુરક્ષા માટે એડીજીપી, આઇજી, ડીઆઇજી અને 10 એસપી સમેત 300 પીએસઆઇ અને 3000 કોન્સ્ટેબલનો તૈનાત કરવામાં આવ્યા છે. વધુમાં ચેતક કમાન્ડોની ટીમ પણ ત્યાં તેમની સુરક્ષા માટે હાજર છે. અને સમગ્ર ડીસા શહેરને યુદ્ધ છાવણીમાં ફેરવી દેવામાં આવ્યું છે.

English summary

Read here the details of security arrangement of PM modi gujarat Visit.