પ્રથમ સોલર પ્લેન - કુછ દિન બિતાવશે ગુજરાતમાં
દુનિયાનું પ્રથમ સોલર પ્લેન જે માત્ર અને માત્ર સૂર્યઊર્જા પર ચાલે છે તે આજે પહોંચી રહ્યું છે અમદાવાદમાં. યુએઇના અબુ ધાબીથી નીકળેલું આ સોલર પ્લેન તેનો લાંબો પ્રવાસ કરી આજે ઉતરશે અમદાવાદની ધરતી પર.
સૂર્યઊર્જાથી ચાર્જ થઇ ઉડતું આ પ્લેન દુનિયાનું સૌથી પહેલું સોલર પ્લેન છે. સોલર ઇમ્પ્લસ ટૂ નામનું આ પ્લેન કોઇ પણ પ્રકારના તેલ વગર ઉડનારું પહેલું હવાઇ જહાજ છે. સોલર ઇમ્પ્લસ કંપની દ્વારા બનાવેલ આ પ્લેન વન સીટર છે. અને તેની પાંખો પર સોલર પેનલ લાગવામાં આવી છે. વધુમાં, આ પ્લેનનું વજન એક કાર જેટલું છે.
2300 કિલોગ્રામ વજનવાળા આ પ્લેનની બેટરી સૂર્યથી ચાર્જ થાય છે. અને આ પ્લેન રાતના પણ આરામથી ઉડી શકે છે. અમદાવાદ પછી આ વિમાન વારાણસી જશે. જ્યાં તે ગંગાની ઉપરથી ઉડશે.
આ સોલર વિમાનમાં બે પાયલોટ છે. જે બાર-બાર કલાકની શિફ્ટમાં આ પ્લેનને ઉડાવે છે. અબુ ધાબીથી ઓમન થઇ ભારત પહોંચેલ આ વિમાન ત્યારબાદ ચીન, મ્યાન્માર, અને અમેરિકાની પણ ઉડતી લટાર મારશે.
Click it and Unblock the Notifications
Sign in with Google
