તાપી જિલ્લાનો મીંઢોળા નદી પરનો બ્રીજ તુટી પડતા જવાબદારો સામે શિક્ષાત્મક કાર્યવાહીના આદેશ કરાયા
તાપી જિલ્લાની મીંઢોળા નદી પરનો બ્રિજ તુટી પડતા સરકાર એક્શનમાં આવી છે અને ભ્રષ્ટાચાર કરનારા સામે કાર્યવાહીના આદેશ કરાયા છે.
સામે આવી રહેલી અહેવાલો અનુસાર, સરકારે તાપી જિલ્લાના વાલોડ તાલુકામાં મીંઢોળા નદી પરના હાઈ લેવલ બ્રીજનો વચ્ચેનો સ્લેબ તૂટી જવાની ઘટના અંગે જવાબદારો સામે કડક શિક્ષાત્મક કાર્યવાહી કરવાનો નિર્ણય કર્યો છે.
બ્રિજ તુટ્યા બાદ તાત્કાલિક તપાસ શરૂ કરાઈ હતી અને હવે કાર્યવાહીના આદેશ કરાયા છે. આ તપાસના પ્રાથમિક અહેવાલમાં હાઇ લેવલ બ્રીજના બાંધકામ મટિરિયલની ગુણવત્તામાં ગંભીર ક્ષતિ હોવાનું જણાતા જવાબદાર અધિકારીઓ સામે કાર્યવાહી કરવા આદેશ કરાયા છે.
આ આદેશ અનુસાર, પૂલની બાંધકામ કામગીરી સાથે સંકળાયેલા કાર્યપાલક ઇજનેર, નાયબ કાર્યપાલક ઇજનેર અને મદદનીશ ઇજનેરને તાત્કાલિક અસરથી ફરજ મોકૂફ કરવા આદેશ કરાયા છે.
આ ઉપરાંત બાંધકામમાં કોન્ક્રીટની યોગ્ય ગુણવત્તા ન જાળવવા માટે આ પૂલના ઇજારદાર અક્ષય કન્સ્ટ્રકશનને બ્લેક લિસ્ટમાં મૂકવાનો અને નાણાંકીય વસૂલાતની કાર્યવાહી હાથ ધરવાનો નિર્ણય સરકારે કર્યો છે.
Click it and Unblock the Notifications
Sign in with Google
