મહિલાએ પ્રેગનન્ટ હોવાની ખોટી માહિતી આપી અને બાદમાં ચોરી કરાયેલા બાળકને લઇને પોતાના ઘરે પહોંચી

Posted By: Lekhaka
Subscribe to Oneindia News
For Quick Alerts
ALLOW NOTIFICATIONS
For Daily Alerts

    અમદાવાદના અસારવામાં આવેલી સિવિલ હોસ્પિટલમાંથી ગત શુક્રવારે સાંજના સમયે એક મહિલા 13 દિવસના બાળકને લઇને નાસી ગયાની ફરિયાદ શાહીબાગ પોલીસ સ્ટેશનમાં નોંધવામાં આવી હતી.જે અંગે શાહીબાગ પોલીસે માત્ર બે દિવસમાં આ અપહરણનો ભેદ ઉકેલીને અપહરણ કરનાર મહિલા અને તેના પિતરાઇ ભાઇને પાટણના બાલીસણા ગામથી ઝડપી લીધા હતા અને બાળકને સહી સલાતમ રીતે મેળવીને તેના માતા પિતાને પરત સોંપ્યું હતું.

    gujarat samachar

    આ અંગેની પ્રાથમિક પુછપરછ કરતા પોલીસ પણ ચોંકી ઉઠી હતી કારણ કે 48 વર્ષની આરોપી મહિલાને બાળક ન થતા તેણે સારવાર કરાવી હતી પણ કોઇ નક્કર પરિણામ ન મળ્યું નહોતુ જો કે તેણે તેના પતિ ને ખોટું કહ્યું કે તે ગર્ભવતી છે. પછી તેણે ગમે તેમ કરીને આઠ મહિના પસાર કરી લીધા પણ બાદમાં તેણે કોઇ પણ રીતે નવજાત બાળકને મેળવવાનુ નક્કી કર્યુ અને તેણે અંબાજીના દાંતા પાસે રહેતા એક પરિવારને ટાર્ગેટ કરીને તેમના 13 દિવસના બાળકની ચોરી કરી હતી.

    આ બનાવની વિગતો એવી છે કે દાંતા પાસે આવેલા એક ગામમાં રહેતા મનોજ ખાખરિયા અને તેની પત્ની સપના પ્રેગનન્ટ હતી ત્યારે ગત મહિને તે મહેસાણાના ઉંઝામાં તેમના એક સગાની ખબર પુછવા માટે હોસ્પિટલમાં ગયા હતા અને ઉંઝાથી પાલનપુર એસ ટી બસમાં પરત આવી રહ્યા હતા ત્યારે બસમાં તેમની મુલાકાત સવિતાબેન પટેલ નામની મહિલા સાથે થઇ હતી. સવિતાબેને તેમને જણાવ્યુ હતુ કે તે સામાજીક કાર્યકર છે અને ગર્ભવતી મહિલાઓને સરકાર આર્થિક મદદ કરે છે. જ્યારે બાળકનો જન્મ થયા બાદ આ પ્રોસેસ થતી હોય છે. બાદમાં તેણે પોતાનો મોબાઇલ નંબર આપીને મનોજનો મોબાઇલ નંબર પણ લીધો હતો. ત્યારબાદ તે સતત સંપર્કમાં રહેતી હતી.

    gujarat samachar

    આ દરમિયાન 15મી એપ્રિલના રોજ બાળકનો જન્મ થયો અને ગત 26મી એપ્રિલે સવિતા મનોજના ઘરે પહોંચી હતી અને જણાવ્યું હતું કે 27મી તારીખે અમદાવાદ સિવિલમાંથી રૂપિયા 15 હજાર લેવા જવાનું છે અને 27મી તારીખે તે મનોજ, તેની પત્ની સપના અને 13 દિવસના બાળક રવિ સાથે અમદાવાદ સિવિલ આવ્યા હતા. જ્યાં કેટલાક ફોર્મ ભરાવવાનુ નાટક કરીને મનોજને એકાઉન્ટ વિભાગ પાસે ઉભા રહેવાનુ કહીને સપના અને રવિને મેડીકલ તપાસ કરવાના બહાને અન્ય વિભાગમાં લઇ ગયા બાદ ત્યાંથી સિતફપૂર્વક રવિને લઇને ત્યાંથી નાસી ગઇ હતી. આ અંગે પોલીસે ગુનો નોંધીને મોબાઇલ લોકેશનના આધારે તપાસ કરતા સવિતા પટેલ રવિ સાથે પાટણના બાલીસણા ગામથી ઝડપી લીધી હતી. જો કે ત્યારે સવિતાના પતિએ જણાવ્યું હતુ કે આ બાળક સવિતાનું છે અને તે ગર્ભવતી હતી. જો કે પોલીસે સમગ્ર વાત અંગે જાણ કરતા તે પણ ચોંકી ઉઠ્યા હતા.

    English summary
    The woman gave false information about being pregnant and later brought the stolen child.

    For Breaking News from Gujarati Oneindia
    Get instant news updates throughout the day.

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more