નરેન્દ્ર મોદીએ કરી રશિયાના નાયબ વડાપ્રધાન સાથે બેઠક
વડાપ્રધાન નરેન્દ્ર મોદીએ કરી રશિયાના નાયબ વડાપ્રધાન સાથે બેઠક.વધુ વાંચો અહીં.
વડાપ્રધાન નરેન્દ્ર મોદી હાલ ગુજરાતની બે દિવસીય મુલાકાત પર છે. વડાપ્રધાન મોદી અહીં વાઇબ્રન્ટ ગુજરાત ગ્લોબલ સમિટ 2017નું ઉદ્ઘાટન કરવા અને કાર્યક્રમમાં હાજરી આપવા માટે આવ્યા છે. ત્યારે સોમવારે પીએમ મોદી રશિયાના નાયબ વડાપ્રધાનને મળ્યા હતા. અને બન્ને દેશોના પ્રતિનિધો વચ્ચે મહત્વપૂર્ણ બેઠક મળી હતી. નોંધનીય છે કે પીએમ મોદી રશિયાના નાયબ વડાપ્રધાન દિમિત્રી રોગોજિનને મળ્યા હતા. તે બાદ તેમણે ગ્લોબલ ટ્રેડ શોમાં સાથે મળીને વિવિધ સ્ટોલનું નિરીક્ષણ કર્યું હતું.
નોંધનીય છે કે સોમવારે બપોરે અમદાવાદ એરપોર્ટ ખાતે પહોંચેલા વડાપ્રધાન નરેન્દ્ર મોદીનું સ્વાગત રાજ્યપાલ ઓપી કોહલી અને મુખ્યમંત્રી વિજય રૂપાણી કર્યું હતું. જે બાદ પીએમ મોદી રાજભવન પહોંચ્યા હતા. જ્યાં તેમણે રૂપાણી અને અન્ય અધિકારીઓ સાથે બેઠક કરીને વાઇબ્રન્ટની તૈયારીઓની સમીક્ષા કરી હતી. તે બાદ તેમણે રશિયાના નાયબ વડાપ્રધાન મુલાકાત કરી હતી.