શ્રીનગરના સેના કેમ્પમાં ધડાકો, 6 જવાનોના મોત

શ્રીનગર, 11 એપ્રિલઃ કાશ્મિરમાં આજે અચાનક ધડાકો થયો. ઉત્તર કાશ્મિરમા નિયંત્રણ રેખા પાસે આવેલા કુપવાડામાં સ્થિત સેનાની શિબિરમાં થયેલા ધડાકામાં છ સૈનિકોનું મૃત્યું થયું છે, જ્યારે 6 જવાન ગંભીર રીતે ઇજાગ્રસ્ત થયા છે. કુપવાડાની સેના શિબિર 21 આરઆરમાં જવાનો પોતાના હથિયારોની સફાઇ કરી રહ્યાં હતા. અચાનક એક ધડાકો થયો અને છ જવાનોનું ઘટના સ્થળે જ મોત નીપજ્યું હતું. ધડાકો એટલો શક્તિશાળી હતો કે આસપાસના ઘરોના કાચ પણ તુટી ગયા હતા.

ધડાકામાં ઇજાગ્રસ્ત છ સૈન્યકર્મીઓને તુંરત સારવાર અર્થે મોકલવામાં આવ્યા છે. કેમ્પના સંબંધિત અધિકારીઓએ ધડાકા અંગે જણાવ્યું કે શિબિરમાં જવાનોની એટ ટૂકડી પોતાના હથિયારોની નિયમિત સફાઇ કરી રહ્યાં હતા કે અચાનક 36 એચઇ કેલિબરનો એક બોમ્બ ફૂટ્યો હતો.

બોમ્બનો ધડાકો એટલો શક્તિશાલી હતો કે ઘટનાસ્થળ પર જ છ જવાનોના મોત નીપજ્યા હતા. ઇજાગ્રસ્ત જવાનોમાં ત્રણની હાલત ગંભીર છે અને તેમને સારવાર અર્થે બાદામી બાગ સ્થિત સેના બેઝ હોસ્પિટલમાં સારવાર અર્થે દાખલ કરવામાં આવ્યાં છે.

English summary

6 troopers were died in an accidental blast inside a camp in north Kashmir Thursday morning.