ડ્યુટી પર જઈ રહેલી મહિલા સિપાહી પર એસિડ એટેક, હાલત ગંભીર
ઉત્તરપ્રદેશના મથુરામાં મહિલા કોન્સ્ટેબલ પર એસિડ એટેકનો મામલો સામે આવ્યો છે. ગંભીર રૂપે ઘાયલ થયેલી મહિલાને ઉપચાર માટે આગ્રા રેફર કરવામાં આવી છે.
ઉત્તરપ્રદેશના મથુરામાં મહિલા કોન્સ્ટેબલ પર એસિડ એટેકનો મામલો સામે આવ્યો છે. ગંભીર રૂપે ઘાયલ થયેલી મહિલાને ઉપચાર માટે આગ્રા રેફર કરવામાં આવી છે. પોલીસ અનુસાર સવારે 4.30 વાગ્યે મહિલા કોન્સ્ટેબલ ડ્યુટી પર જઈ રહી હતી, ત્યારે જ એક કાર પર સવાર ચાર લોકોએ તેના પર એસિડથી હુમલો કર્યો. હાલમાં પોલીસે આરોપીને પકડવા માટે ટીમ બનાવી દીધી છે. તેમને કહ્યું કે ખુબ જ જલ્દી આરોપીઓને પકડી લેવામાં આવશે.
આ પણ વાંચો: તંગીથી પરેશાન હતી એસિડ અટેક પીડિતા, અક્ષયે મોકલી મદદ
કારમાં આવેલા લોકોએ એસિડ ફેંક્યો
એસપી સીટી અશોક મીના ઘ્વારા મીડિયાને જાણકારી આપતા જણાવવામાં આવ્યું કે મહિલા કોન્સ્ટેબલ સવારે 4.30 વાગ્યે પોતાની ડ્યુટી પર જઈ રહી હતી ત્યારે જ સદર ચોકી વિસ્તારના દામોદરપુરામાં એક કારમાં ચાર લોકો આવ્યા અને તેમને મહિલા કોન્સ્ટેબલ પર એસિડ હુમલો કર્યો. આપને જણાવી દઈએ કે મહિલા કોન્સ્ટેબલ ચોકી સદર વિસ્તારના દામોદરપુરામાં છેલ્લા 1 વર્ષથી ભાડે રહેતી હતી.
ઘરથી 200 મીટર દૂર હુમલો કર્યો
કારમાં સવાર હુમલાખોરોએ મહિલા કોન્સ્ટેબલના ઘરેથી 200 મીટર દૂર એસિડ એટેક કર્યો. એસિડ એટેકમાં મહિલા કોન્સ્ટેબલ 40 ટકા સુધી બળી ચુકી છે. આ ઘટનાને અંઝામ આપ્યા પછી આરોપી ત્યાંથી ભાગી છૂટ્યા. સૂચના મળતા જ પોલીસ જલ્દી જલ્દીમાં ત્યાં પહોંચી અને મહિલા કોન્સ્ટેબલને હોસ્પિટલમાં દાખલ કરાવી, જ્યાં ડોક્ટરોએ તેમને આગ્રા રેફર કરી છે.
એસપી સીટીએ જણાવ્યું
એસપી સીટી અશોક મીના ઘ્વારા મીડિયાને જાણકારી આપતા જણાવવામાં આવ્યું કે બે આરોપીઓ સંજય સિંહ અને સોનુનું નામ સામે આવ્યું છે. આશંકા વ્યક્ત કરવામાં આવી રહી છે કે તેમાંથી એક વ્યક્તિ મહિલાનો મિત્ર છે. જણાવવામાં આવી રહ્યું છે કે સંજય સિંહ સાથે મહિલા કોન્સ્ટેબલનો કોઈ વિવાદ ચાલી રહ્યો હતો, ત્યારપછી તેને આ ઘટનાને અંઝામ આપ્યો. હજુ સુધી આખો મામલો સ્પષ્ટ નથી થયો. આરોપીઓને પકડવા માટે ચાર ટીમો લગાવવામાં આવી છે.