લખનૌના મૉલમાં હનુમાનચાલીસાપાઠ કરનાર બેની ધરપકડ, શું છે મામલો?
લખનૌના મૉલમાં હનુમાનચાલીસાપાઠ કરનાર બેની ધરપકડ, શું છે મામલો?
એનડીટીવી ડોટ કૉમના એક અહેવાલ અનુસાર લખનૌમાં પોલીસે બે વ્યક્તિની મૉલમાં હનુમાનચાલીસાપાઠ કરવાના આરોપમાં ધરપકડ કરી હતી. આ મામલે હંગામો કરનાર 15 અન્યની પણ અટકાયત કરાઈ છે.
આ વાતની ખરાઈ કરતાં ડેપ્યુટી કમિશનર ઑફ પોલીસ (દક્ષિણ) ગોપાલકૃષ્ણ ચૌધરીએ કહ્યું કે, "બે લોકો મૉલમાં પ્રવેશ્યા અને જમીન પર બેસીને ધાર્મિક પ્રાર્થના કરવા લાગ્યા. મૉલના સિક્યૉરિટી સ્ટાફ દ્વારા તેમને પોલીસને સોંપવામાં આવ્યા, જે બાદ તેમની ધરપકડ કરાઈ."
આ બંનેની ધરપકડ બાદ જમણેરી જૂથના અન્ય કેટલાક સમર્થકોએ મૉલમાં પ્રવેશવાની કોશિશ કરી. જેમની પોલીસે અટકાયત કરી હતી.
નોંધનીય છે કે આ મૉલમાં અજાણી વ્યક્તિઓના એક જૂથની થોડા દિવસ પહેલાં નમાજ પઢવાના આરોપમાં ધરપકડ કરાઈ હતી. પોલીસે તેમની સામે IPC સેક્શન 153A (બે જૂથ વચ્ચે વેરભાવને પ્રોત્સાહન) અને 295A (ધાર્મિક ભાવનાઓને ઠેસ પહોંચાડવાની ઇરાદાપૂર્વકની કોશિશ) અંતર્ગત ગુનો દાખલ કર્યો હતો.
- યુરોપમાં હીટ વેવ અને દાવાનળ, હજારો એકર જમીન તબાહ અને સેંકડોનું સ્થળાંતર
- હામિદ અંસારી સાથેની મુલાકાત અંગે નુસરત મિર્ઝાએ બીબીસીને શું કહ્યું?
દરિયામાં ડિપ ડિપ્રેશન સર્જાતાં સૌરાષ્ટ્રના કાંઠા વિસ્તારોમાં ઍલર્ટ
અરબ સાગરના ઉત્તર-પૂર્વમાં લૉ-પ્રેશર ડિપ ડિપ્રેશનમાં ફેરવાતાં સૌરાષ્ટ્રના કાંઠા વિસ્તારોના જિલ્લા વહીવટી તંત્ર ઍલર્ટ મોડમાં આવી ગયા છે. આ ડિપ્ર ડિપ્રેશનને કારણે આ વિસ્તારોમાં ભારે વરસાદ અને દરિયાઈ હલચલ જોવા મળી શકે છે.
પોરબંદર, દેવભૂમિ દ્વારાકા અને ગીર-સોમનાથ જિલ્લાનાં વહીવટી તંત્ર ડિપ ડિપ્રેશનની અસરોને કારણે સર્જાતી સ્થિતિને કાબૂમાં લેવાના માટે પૂર્વતૈયારી શરૂ કરી છે. જોકે, ભારતીય હવામાનવિભાગ દ્વારા આ ડિપ ડિપ્રેશન ઓમાન તરફ આગળ વધશે.
પોરબંદરના ડિસ્ટ્રિક્ટ કલેક્ટર, એ. એમ. શર્માએ કહ્યું કે, "હાલમાં હવાની ગતિ ખૂબ વધુ નથી, પરંતુ અમે સુરક્ષાના ઇંતેજામમાં લાગી ગયા છીએ. અમે 28 ગામોને સચેત રહેવાની સૂચના આપી છે, તેમજ અમારી પાસે સાયક્લોન સેન્ટર પણ છે, જેથી જોખમી ઝોનમાં રહેલા લોકોને સરળતાથી શિફ્ટ કરી શકાશે."
- જગદીપ ધનખર એનડીએના ઉપ રાષ્ટ્રપતિપદના ઉમેદવાર
- 'તિસ્તા સેતલવાડને પૈસા આપ્યા'ના સંબિત પાત્રાનો આરોપ પર કૉંગ્રેસે શું કહ્યું?
સાઉદી અરેબિયાએ તેલઉત્પાદન વધારવાની ઘસીને ના પાડી
સાઉદી અરેબિયાના ક્રાઉન પ્રિંસ મોહમ્મદ બિન સલમાને શનિવારે કહ્યું કે સાઉદી અરેબિયા પોતાના ઑઇલ ઉત્પાદનમાં વધારો કરીને તેને પ્રતિ દિવસ એક કરોડ 30 લાખ બૅરલ સુધી પહોંચાડવાનો પ્રયત્ન કરશે. પરંતુ આ સાથે જ તેમણે તેલ ઉત્પાદનને વધારવાની પોતાની સીમા પણ જણાવી દીધી છે.
સાઉદીના શહેર જેદ્દાહમાં આયોજિત આરબ-અમેરિકન સંમેલનનું સંબોધન કરતાં તેમણે કહ્યું કે દેશ હાલ દરરોજ એક કરોડ 10 લાખ બૅરલ ઑઇલ ઉત્પાદન કરી રહ્યો છે.
ક્રાઉન પ્રિન્સે કહ્યું, "હાલ અમારી ક્ષમતા પ્રતિ દિવસ એક કરોડ 20 લાખ બૅરલ ઑઇલ ઉત્પાદન કરવાની છે અ અને રોકાણ સાથે આ ઉત્પાદન એક કરોડ 30 લાખ બૅરલ સુધી પહોંચી શકે છે. સાઉદી અરેબિયાની આના કરતાં વધુ ઑઇલ ઉત્પાદન વધારવાની ક્ષમતા નથી."
https://twitter.com/Spa_Eng/status/1548296106307514368
ક્રાઉન પ્રિન્સે વૈશ્વિક અર્થવ્યવસ્થાને સહયોગ કરવા માટે એક થઈને પ્રયાસ કરવાની વાત કરી છે.
તેમણે ચેતવ્યા કે, "ઊર્જાના મુખ્ય સ્રોતોને ત્યાગીને ઉત્સર્જન ઘટાડવા માટે અવાસ્તવિક નીતિઓ અપનાવાની પ્રવૃત્તિ આવનાર દિવસોમાં અસાધારણ મોંઘવારી, ઊર્જાની કિંમતમાં વધારો, બેરોજગારી અને સામાજિક અને સુરક્ષાસંબંધી સમસ્યાઓની જટિલતા તરફ લઈ જશે."
યુક્રેન-રશિયાના યુદ્ધના કારણે પશ્ચિમના દેશોમાં રશિયા પર પ્રતિબંધ લદાયા બાદ ઑઇલની કિંમતોમાં વધારો થયો છે.
શનિવારે થયેલ સંમેલનમાં અમેરિકાના રાષ્ટ્રપતિ જો બાઇડન અને ખાડી સહયોગ પરિષદના સભ્ય દેશ, ઇજિપ્ત, ઇરાક અને જૉર્ડન પણ હાજર હતાં.
તમે બીબીસી ગુજરાતીને સોશિયલ મીડિયા પર અહીં ફૉલો કરી શકો છો
Facebook પર સમાચાર વાંચવા અહીં ક્લિક કરો.
Instagram પર બીબીસી ગુજરાતીને અહીં ફૉલો કરો.
YouTube પર બીબીસી ગુજરાતીના વીડિયો જોવા માટે અહીં ક્લિક કરો.
Twitter પર બીબીસી ગુજરાતીની ફૉલો કરવા અહીં ક્લિક કરો.