હરિદ્વારથી ચૂંટણી લડશે યોગ ગુરુ બાબા રામદેવ!

Published: Thursday, July 11, 2013, 12:26 [IST]

લખનઉ, 11 જુલાઇ : ગુજરાતના મુખ્યમંત્રી નરેન્દ્ર મોદીને પ્રધાનમંત્રી બનાવવાનો પ્રબળ રાગ આલાપનાર યોગ ગુરુ બાબા રામદેવના હાલમાં ભારતીય જનતા પાર્ટી સાથેના સંબંધો વધી રહ્યા છે. સૂત્રો દ્વારા મળી રહેલા સમાચાર અનુસાર ભારતીય જનતા પાર્ટી તેમને ચૂંટણી માટે ટીકિટ આપે તેવી પણ સંભાવના છે.

બાબા રામદેવ એવું ઇચ્છે છે કે પશ્ચિમી ઉત્તર પ્રદેશથી તેમના પાંચ 'શિષ્યો'ને ભાજપા ટિકીટ આપે. ખાસ કરીને રામદેવના ખાસ અને આર્ય સમાજ સાથે જોડાયેલા સ્વામી ઓમવેશે તો બિજનૌરથી તૈયારી પણ શરૂ કરી દીધી છે. તેઓ લોકદળથી વિધાયક પણ રહી ચૂક્યા છે.

એમના ઉપરાંત રામદેવ મુઝફ્ફરનગર અને સહારનપુર સહીત જાટ બહુલ જિલ્લામાં ઓછામાં ઓછી પાંચ બેઠકો ઇચ્છે છે. હરિદ્વાર સ્થિત પોતાના પતંજલિ યોગપીઠથી બાબા પશ્ચિમી યુપીના જિલ્લા ખાસ કરીને જાટ સમાજની વચ્ચે પોતના યોગ કેન્દ્ર અને ઉત્પાદનો સાથે જોડાયેલ નેટવર્ક થકી પણ રાજકીય જનાધાર બનાવવામાં સફળ થઇ ચૂક્યા છે. કોંગ્રેસની સાથે બાબા રામદેવના બગડેલા સંબંધોનો ભાજપા પણ આગામી લોકસભામાં લાભ ખાટવા માંગે છે.

Published On July 11, 2013