લલિત મોદી પર BCCIએ લગાવ્યો આજીવન પ્રતિબંધ
ચેન્નાઇ, 25 સપ્ટેમ્બર: ભારતીય ક્રિકેટ કંટ્રોલ બોર્ડે ઇન્ડિયન પ્રીમિયર લીગના પૂર્વ કમિશ્નર લલિત મોદીનું સભ્યપદ રદ કરી નાખ્યું છે. બોર્ડે બુધવારે અત્રે આયોજિત વિશેષ સામાન્ય બેઠકમાં આ નિર્ણય લીધો. મોદીએ બુધવારે સુપ્રીમ કોર્ટને તેમની સાથે અનુશાસનાત્મક કાર્યવાહી માટે યોજાનાર આ બેઠક પર રોક લગાવવા માટેની અપીલ કરી હતી, પરંતુ કોર્ટે આ અરજી ફગાવી દીધી.
સુપ્રીમ કોર્ટે જ મંગળવારે બીસીસીઆઇને મોદી સાથે જોડાયેલા મામલા પર ચર્ચા કરવા માટે ખાસ બેઠક કરવાની પરવાનગી આપી હતી. મોદીની અરજી પર સુપ્રીમ કોર્ટે નિર્ણયના તુરંત બાદ બપોરે બે વાગ્યે આ બેઠક શરૂ કરી અને તાત્કાલિકમાં જ મોદીનું સભ્યપદ સમાપ્ત કરી દેવાનો પ્રસ્તાવ મૂકી દીધો.
મોદી 2008થી 2010 સુધી આઇપીએલના કમિશ્નર રહી ચૂકેલા અને આ દરમિયાન તેમની પર ખોટી રીતે રૂપિયા બનાવવાનો આરોપ લાગ્યો હતો. ત્યારબાદ ધરપકડથી બચવા માટે તેઓ લંડનમાં નિવાસ કરી રહ્યા છે.