બંગાળ ચૂંટણીઃ કોંગ્રેસે 30 સ્ટાર પ્રચારકોની યાદી જાહેર કરી

પશ્ચિમ બંગાળમાં આ મહિનાના અંતમાં પહેલા તબક્કાનું મતદાન થનાર છે, જેને માટે તમામ પાર્ટીઓએ કમર કસી લીધી છે. આ વખતે કોંગ્રેસ લેફ્ટ સાથે મળી ચૂંટણી મેદાનમાં છે. સાથે જ ટીએમસી અને ભાજપને હરાવવાનો દાવો કરી રહી છે. જલદી જ કોંગ્રેસના ટૉપ નેતા ચૂંટણી પ્રચારમાં લાગી જશે. જેના માટે પાર્ટીએ 30 સ્ટાર પ્રચારકોના નામ જાહેર કર્યાં છે. ખાસ વાત છે કે આ યાદીમાં G-23 ગ્રુપના એકેય નેતાનું નામ નથી. આ ગ્રુપ લાંબા સમયથી કોંગ્રેસ હાઈકમાનથી નારાજ હતું. સાથે જ સંગઠનાત્મક ચૂંટણીને લઈ સોનિયા ગાંધીને ચિઠ્ઠી પણ લખી ચૂક્યા છે.

જોવામાં આવે તો કોંગ્રેસના સ્ટાર પ્રચારકોમાં એવા નેતા જ સામેલ છે, જેમણે બિહાર ચૂંટણીમાં મોર્ચો સંભાળ્યો હતો. જેમાં સોનિયા ગાંધી, મનમોહન સિંહ, મલ્લિકાર્જુન ખડગે, રાહુલ ગાંધી, પ્રિયંકા ગાંધીના નામ પ્રમુખ છે. જ્યારે પાર્ટીએ રાજસ્થાન, પંજાબ, છત્તીસગઢના મુખ્યમંત્રીઓને પણ સ્ટાર પ્રચારકોની યાદીમાં જગ્યા આપી છે. આ યાદીમાં નવજોત સિંહ સિદ્ધૂ અને સચિન પાયલટના નામ પણ સામેલ છે, જેમણે પહેલાં પાર્ટીથી નારાજ થઈ મંત્રી પદેથી રાજીનામું આપ્યું હતું. જ્યારે કોંગ્રેસના વરિષ્ઠ નેતા અને પૂર્વ રાષ્ટ્રપતિ રહેલા પ્રણવ દાનું પાછલા વર્ષે નિધન થઈ ગયું હતું. બંગાળમાં તેમની પકડ મજબૂત હતી, જે કારણે તેમના દીકરા અભિજીત બેનરજીને પણ ચૂંટણી પ્રચાર બનાવ્યા છે.

સ્ટાર પ્રચારકોની યાદી

સોનિયા ગાંધી, મનમોહન સિંહ, રાહુલ ગાંધી, પ્રિયંકા ગાંધી, મલ્લિકાર્જુન ખડકે, અશોક ગેહલોત, કેપ્ટન અમરિંદર સિંહ, ભુપેશ બાઘેલ, કમલ નાથ, અધિર રંજન ચૌધરી, બીકે હરી પ્રસાદ, સાયમન ખુરશીદ, સચીન પાયલટ, રણદીપ સિંહ સુરજેવાલા, જીતન પ્રસાદ, આરપીએન સિંહ, નવજોત સિંહ સિદ્ધૂ, અબ્દુલ મેન્નન, પ્રદીપ ભટ્ટાચાર્ય, દીપા દાસમુનસી, એએચ ખાન ચૌધરી, અભિજીત મુખરજી, દિપેન્દ્ર હુડ્ડા, અખિલેશ પ્રસાદ સિંહ, રામેશ્વર ઓરાઓન, અલમગીર આલમ, મોહમ્મદ અઝહરુદ્દીન, જયવીર શેરગીલ, પવન ખેરા અને બીપી સિંહ.

English summary

Bengal elections: Congress releases list of 30 star campaigners