Bihar cabinet: નીતીશ મંત્રીમંડળનો આજે થશે વિસ્તાર, શાહનવાઝ હુસેન સહિત આ બધાને મળી શકે છે જગ્યા

બિહારના મુખ્યમંત્રી નીતીશકુમાર આજે પોતાના મંત્રીમંડળનો વિસ્તાર કરવા જઈ રહ્યા છે.

Nitish Kumar to expand Bihar cabinet today: બિહારના મુખ્યમંત્રી નીતીશકુમાર આજે એટલે કે મંગળવાર(9 ફેબ્રુઆરી)એ પોતાના મંત્રીમંડળનો વિસ્તાર કરવા જઈ રહ્યા છે. બિહાર સીએમ કાર્યાલય તરફથી આ માહિતી આપવામાં આવી છે. સીએમ ઑફિસ તરફથી જણાવવામાં આવ્યુ છે કે મંગળવારે મંત્રીમંડળ વિસ્તાર માટે શપથ ગ્રહણ સમારંભ બપોરે 12.30 વાગે આયોજિત કરવામાં આવશે. જણાવવામાં આવી રહ્યુ છે કે આજે મંત્રીમંડળના વિસ્તારમાં 9 ભાજપના અને 8 જેડીયુના નેતા મંત્રીપદની શપથ લેશે. આ વિસ્તારમાં પહેલા કેન્દ્રીય મંત્રી રહેલા શાહનવાઝ હુસેન બિહારમાં મંત્રીપદના શપથ લેશે. વિકસીલ ઈંસાં પાર્ટીના મુકેશ સાહનીનુ નામ પણ આ કેબિનેટ વિસ્તારમાં નામ છે. બિહારમાં હાલમાં 243 ધારાસભ્યોના ગૃહમાં મુખ્યમંત્રી સહિત 15 મંત્રી છે. બિહાર કેબિનેટમાં 36 મંત્રી હોઈ શકે છે.

ભાજપ અને જેડીયુના આ નેતાઓને આજે મળી શકે છે કેબિનેટમાં જગ્યા

આજના બિહાર કેબિનેટ વિસ્તારમાં ભાજપથી સંભવિત નામોની વાત કરીએ તો શાહનવાઝ હુસેન ઉપરાંત પૂર્વ સાંસદ રહેલા જનક ચમાર, સુભાષ સિંહ, નિતિન નવીન, કૃષ્ણા કુમાર ઋષિ, સંજય સરવગી, નીરજ બબલુ, પ્રમોદ કુમાર અને ભાગીરથી દેવીના નામ શામેલ છે. વળી, જેડીયુની વાત કરીએ તો શ્રવણ કુમાર, લેસી સિંહ, સંજય ઝા, સુનીલ કુમાર અને જામા ખાનનુ નામ ચર્ચામાં છે. જામા ખાન હાલમાં જ બસપામાં જેડીયુમાં શામેલ થયા છે. અટકળો લગાવવામાં આવી રહી છે કે આ કેબિનેટ વિસ્તારમાં વીઆઈપી કે જીતનરામ માંઝીની પાર્ટીના કોઈ સભ્યને મંત્રીપદની જગ્યા મળવાની નથી. નીતીશ મંત્રીમંડળમાં હજુ વધુ 23 મંત્રી બનાવવામાં આવી શકે છે.

વર્તમાન બિહાર કેબિનેટની સ્થિતિ

16 નવેમ્બર, જનતા દળ(યુનાઈટેડ)ના પ્રમુખ નીતીશ કુમારે બિહારના મુખ્યમંત્રી તરીકે શપથ લીધા હતા. નીતીશ કુમાર સતત ચોથી વાર અને કુલ સાતમી વાર મુખ્યમંત્રી બન્યા છે. નીતીશ કુમાર સાથે મંત્રી પરિષદના 14 અન્ય મંત્રીઓએ પણ શપથ લીધા હતા. વર્તમાનમાં નીતીશ મંત્રીમંડળમાં ભાજપના 7, જેડીયુના 4, હિંદુસ્તાની આવામ મોરચાના 1 અને વીઆઈપીના એક ધારાસભ્ય મંત્રી છે. બિહારમાં એનડીએની સરકાર છે. જેમાં જનતા દળ(યુનાઈટેડ) (જેડીયુ), ભારતીય જનતા પાર્ટી(ભાજપ), વિકાસસેલ ઈંસાં પાર્ટી(વીઆઈપી) અને હિંદુસ્તાની આવામ મોરચા(એચએએમ) શામેલ છે.

English summary

Bihar cabinet: Nitish Kumar to expand Bihar cabinet today.