આપત્તિજનક સ્થિતિમાં પકડાયેલ પ્રેમી પંખીડાને ગ્રામજનોએ ફટકાર્યા, વીડિયો વાયરલ
આપત્તિજનક સ્થિતિમાં પકડાયેલ પ્રેમી પંખીડાને ગ્રામજનોએ માર્યા
મુઝફ્ફરપુરઃ બિહારના મુઝફ્ફરપુર જિલ્લામાં એક એવો મામલો સામે આવ્યો છે જે માણસાઈને પણ શરમાવે તેવો છે. અહીં પર ગ્રામીણોએ એક પ્રેમી યુગલને થાંભલા સાથે બાંધીને ઢોરની જેમ પીટાઈ કરી. આરોપ છે કે બંને આપત્તિજનક સ્થિતિમાં મળી આવ્યા હતા, જે બાદ ગ્રામિણોએ ગુસ્સામાં બંને પ્રેમી પંખીડાને થાંભલા સાથે બાંધી પીટાઈ કરવા લાગ્યા હતા.
આ નિર્દયતાની પૂરી ઘટનાને અન્ય લોકો મુંગા દર્શક બનીને જોતા જ રહ્યા. જ્યારે અન્ય કેટલાક લોકોએ પ્રેમીઓને બચાવવાને બદલે પોતાના મોબાઈલમાં ઘટનાનું રેકોર્ડિંગ કરવાનું વધુ પસંદ કર્યું. હાલ આ વીડિયો વાયરલ થઈ રહ્યો છે. જે ગામની આ ઘટના છે ત્યાંના લોકો મુજબ પંચાયતે પોતાનું તાલિબાની ફરમાન સંભળાવી બંનેને ગામની બહાર કાઢી મૂક્યા છે.
એટલું જ નહિ પંચાયતે છોકરા પર 51 હજાર રૂપિયાનો દંડ પણ ફટકાર્યો છે. ત્યારે વાયરલ થયેલ વીડિયોની જાણકારી મળતાં જ પોલીસ સ્ટેશને પહોંચેલ મીડિયાકર્મીઓએ જ્યારે પોલીસને વીડિયો દેખાડ્યો ત્યારે તેમને આ અમાનવીય વ્યવાર વિશે માલુમ પડ્યું. જે બાદ મુઝફ્ફરપુરના ડીએસપી ગૌરવ પાંડેએ કહ્યું કે આ મામલે હજુ સુધી કોઈ જાણકારી મળી નથી. તપાસ કરવામા આવી રહી છે, તમામ દોષિતો વિરુદ્ધ આકરી કાર્યવાહી કરવામાં આવશે.
આ પણ વાંચો- છાત્રાનું પાડોશી યુવકે અપહરણ કર્યું, આખી રાત ગેંગરેપ કર્યો