બીજેપી નેતા વાણી ત્રિપાઠીની કારને ટક્કર મારી અને કરી ઉધ્ધતાઇ!

નવી દિલ્હી, 5 એપ્રિલ: બીજેપીની રાષ્ટ્રીય સચિવ વાણી ત્રિપાઠી પર ગુરુવારે રાત્રે દારુના નશામાં ધૂત પાંચ લોકોએ હુમલો કર્યો અને તેની સાથે દૂર્વ્યવહાર કર્યો. વાણી ત્રિપાઠી ચિતરંજન પાર્ક પાસેથી કારમાં પોતાના ઘરે જઇ રહી હતી.

વાણીના કહેવા પ્રમાણે એક સ્કોર્પિયો કારમાં સવાર પાંચ લોકોએ તેમની ગાડીને પાછળથી ટક્કર મારી બાદમાં ગાડીમાંથી બહાર આવીને તેમની કારમાં જબરદસ્તી ઘુસવાની પણ કોશીશ કરી. ગભરાઇને વાણીએ તાત્કાલિક પોલીસને જાણ કરી દીધી હતી.

વાણીના જણાવ્યા અનુસાર તેમણે પોતાની સુરક્ષા માટે કારને અંદરથી લોક કરી દીધી, તો તેઓ કારના કાચ તોડવાની કોશિશ કરવા લાગ્યા. વાણીનું કહેવું છે કે જો તેમણે પોતાની જાતને કારમાં લોક ના કરી હોત તો તેમની સાથે કઇપણ થઇ શકતું હતું. ઘટનાસ્થળે પોલીસના પહોંચવા સુધી આરોપીઓ ફરાર થઇ ચૂક્યા હતા. ફિલહાલ પોલીસ આરોપીઓની તપાસ કરી રહી છે.

English summary

BJP leader Vani Tripathi says five drunk men attacked her car in South Delhi on Thursday night.