ટાઇમ્સ નાઉનો સર્વેઃ 202 બેઠકો પર લહેરાશે ભાજપનો કેસરિયો

નવી દિલ્હી, 14 ફેબ્રુઆરીઃ લોકસભા ચૂંટણીમાં ભાજપના નેતૃત્વમાં એનડીએને 227 બેઠકો મળી શકે છે, જ્યારે કોંગ્રેસને 84 બેઠક મેળવશે. આ તારણ ઇન્ડિયા ટીવી, ટાઇમ્સ નાઉ અને સી વોટર દ્વારા હાથ ધરવામાં આવેલા એક ઓપિનિયન પોલમાં બહાર આવ્યું છે.

સર્વેમાં જણાવવામાં આવ્યું છે કે, વાઇએસઆઇર કોંગ્રેસ, તૃણમૂલ કોંગ્રેસ, અન્નાદ્રમૂક અને આમ આદમી પાર્ટી જેવા ક્ષેત્રિય દળ સારું પ્રદર્શન કરશે.

લોકસભાની 543 બેઠકોમાં ભાજપ એકલા હાથે 202 બેઠકો પર વિજયી થઇ શકે છે. કોંગ્રેસને 200ની સરખામણીએ 84 બેઠકો સાથે 117 બેઠકોનું નુક્સાન જવાની ભીતી છે. ચૂંટણીમાં એનડીએ 217થી 237 બેઠકો મેળવી શકે છે, જ્યારે કોંગ્રેસના નેતૃત્વવાળા યુપીએને માત્ર 91 અથવા તો 111 બેઠકો મળી શકે છે. ‘આપ'ના ખાતામાં સાત બેઠકો જ્યારે મમતા બેનરજીની પાર્ટીને 27 બેઠકો મળી શકે છે. ડાબેરીઓની બેઠકો 24થી વધીને 27 થઇ શકે છે.

સપાને 20, બસપાને 21 બેઠકો મળી શકે છે. સર્વેક્ષણમાં જગનની પાર્ટી વાઇએસઆર કોંગ્રેસને 13 બેઠકો અને 16 દળોના સંભવિત ગઠબંધન જેમાં ડાબેરીઓ, અન્નદ્રુમક બન્ને સામેલ છે, તેમને 128 બેઠકો મળી શકે છે.

English summary

The BJP could reach its highest tally ever and the Congress its lowest point, giving the NDA the best chance of forming the government after the Lok Sabha polls, though well short of a majority.