ચંદ્રયાન-3ની હાલત "સામાન્ય": કક્ષામાં આગળ વધ્યાના પહેલા પગલાં બાદ ISROએ કહ્યું
ભારતીય અંતરિક્ષ અનુસંધાન (ISRO)ના વૈજ્ઞાનિકોએ ચંદ્રયાન-3 અંતરિક્ષ યાનને તેની કક્ષામાં આગળ વધારવાની પહેલી કવાયત શનિવારે સફળતાપૂર્વક પૂર્ણ કરી લીધી છે. અંતરિક્ષ એજન્સીએ આ જાણકારી આપી છે. ઈસરોએ એક સોશિયલ મીડિયા પોસ્ટમાં કહ્યું કે અંતરિક્ષ યાનની હાલત સામાન્ય છે.
ઈસરોએ કહ્યું, "ચંદ્રયાન-3 મિશનની તાજા જાણકારીઃ અંતરિક્ષ યાનની હાલત સામાન્ય છે. કક્ષામાં આગળ વધવાની પ્રથમ કવાયત ઈસરો, બેંગ્લોર દ્વારા સફળતાપૂર્વક પૂર્ણ કરવામાં આવી છે. અંતરિક્ષ યાન હવે 41762 કિમી ગુણ્યા 137 કિમી કક્ષામાં છે."
ઈસરોએ 14 જુલાઇના રોજ આંધ્ર પ્રદેશના શ્રીહરિકોટા સ્થિત સતીશ ધવન અંતરિક્ષ કેન્દ્રથી પોતાના ચંદ્ર અન્વેષણ કાર્યક્રમના ત્રીજા સંસ્કરણનું સફળતાપૂર્વક પ્રક્ષેપણ કર્યું. ચંદ્રયાન-3 ચંદ્રના દક્ષિણી ધ્રુવ પર ઉતરશે, જેનું હજી સુધી અન્વેષણ નથી કરાયું.
ઉલ્લેખનીય છે કે અમેરિકા, ચીન અને રશિયા માત્ર આ ત્રણ દેશ જ ચંદ્રની સપાટી પર ઉતેરવામાં સફળ રહ્યા છે. હવે એક મહિના બાદ ચંદ્રની સપાટી પર લેન્ડિંગ કરી ચંદ્રયાન 3 ભારતને પણ આ યાદીમાં જોડી દેશે. જે દરેક ભારતીયો માટે ગર્વ સમાન હશે
Click it and Unblock the Notifications
Sign in with Google
