દેશમાં કોલ્ડ વેવ યથાવત, ઘણા રાજ્યોમાં કમોસમી વરસાદની આગાહી

સમગ્ર ઉત્તર ભારત ઠંડીની લપેટમાં છે, તો બીજી તરફ રાજધાનીનું વાતાવરણ ખૂબ જ ખરાબ છે. આજે પણ દિલ્હીનો એર ક્વોલિટી ઈન્ડેક્સ (AQI) 369 છે, જે અત્યંત નબળી શ્રેણીમાં આવે છે.

નવી દિલ્હી : સમગ્ર ઉત્તર ભારત ઠંડીની લપેટમાં છે, તો બીજી તરફ રાજધાનીનું વાતાવરણ ખૂબ જ ખરાબ છે. આજે પણ દિલ્હીનો એર ક્વોલિટી ઈન્ડેક્સ (AQI) 369 છે, જે અત્યંત નબળી શ્રેણીમાં આવે છે. સિસ્ટમ ઓફ એર ક્વોલિટી એન્ડ વેધર ફોરકાસ્ટિંગ એન્ડ રિસર્ચ (SAFAR) એ જણાવ્યું છે કે, આજે દિલ્હીમાં વરસાદની સંભાવના છે, જો કે, આજે લઘુત્તમ તાપમાન 7 ડિગ્રીની આસપાસ રહી શકે છે. માત્ર દિલ્હીમાં જ નહીં પરંતુ ઉત્તર પ્રદેશ, રાજસ્થાન, હરિયાણા અને પંજાબમાં પણ હળવો વરસાદ થવાની સંભાવના છે.

વરસાદની સાથે સાથે અનેક જગ્યાએ કરા પડવાની શક્યતા

ઉત્તર પ્રદેશમાં હવામાન વિભાગે ઘણી જગ્યાએ વરસાદની સાથે કરા પડવાની આગાહી કરી છે. આ સાથે હવામાન વિભાગે જણાવ્યું છે કે, હવામાનની આ સ્થિતિ 9જાન્યુઆરી સુધી રહેશે.

IMD એ સ્પષ્ટ કહ્યું છે કે, પર્વતો પર હિમવર્ષાની અસર મેદાની વિસ્તારોમાં થઈ રહી છે, જેના કારણે ઉત્તર ભારતમાં ઠંડીનું પ્રમાણ વધી રહ્યુંછે.

હિમાચલ અને કાશ્મીરમાં ભારે હિમવર્ષા

દેહરાદૂન, ઉત્તરાખંડમાં આજે લઘુત્તમ તાપમાન છ ડિગ્રી જોવા મળી શકે છે. આ સાથે હિમાચલ પ્રદેશ અને કાશ્મીરમાં ભારે હિમવર્ષા થઈ રહી છે. દાલ તળાવ (ડાલલેક) આ સમયે સંપૂર્ણપણે થીજી ગયું છે. રાજ્યના ઘણા ભાગોમાં તાપમાન શૂન્યથી નીચે ગયું છે.

હિમવર્ષા સાથે હળવા વરસાદની શક્યતા

સ્કાયમેટ વેધર અનુસાર આગામી 24 કલાક દરમિયાન જમ્મુ-કાશ્મીર, ગિલગિટ બાલ્ટિસ્તાન, મુઝફ્ફરાબાદ, લદ્દાખ અને હિમાચલ પ્રદેશ અને ઉત્તરાખંડમાં હિમવર્ષા સાથેહળવો વરસાદ થવાની શક્યતા છે.

પશ્ચિમ ભાગમાં પણ હળવા વરસાદની શક્યતા

જ્યારે રાજસ્થાન, પંજાબ, હરિયાણા, દિલ્હી અને ઉત્તર પ્રદેશના પશ્ચિમ ભાગોમાં પણ હળવો વરસાદ થઈ શકે છે, જ્યારે તમિલનાડુના દરિયાકાંઠાના વિસ્તારોમાં હળવોવરસાદ થઈ રહ્યો છે. સ્કાયમેટે કહ્યું છે કે, આજે ઉત્તર પશ્ચિમ ભારતનું લઘુત્તમ તાપમાન 2 થી 3 ડિગ્રી વધી શકે છે.

આજે સવારે દિલ્હીમાં AQIની સ્થિતિ આ હતી

• પુસા, દિલ્હી - 393 AQI - ખૂબ જ નબળી
• પંજાબી બાગ - 425 AQI - ખૂબ જ ખરાબ
• શાદીપુર, દિલ્હી - 347 AQI - ખૂબ જ ખરાબ
• દિલ્હી મિલ્ક સ્કિમ કોલોની - 402 AQI - ખૂબ જ નબળી
• અશોક વિહાર દિલ્હી - 428 AQI - ખૂબ જ નબળી
• NSIT દ્વારકા - 410 AQI - અત્યંત નબળું
• લોધી રો - 288 AQI - ખૂબ જ ખરાબ

English summary

Dense fog in North India, Snowfall in JK, Himachal, Rain Expected in many states, Delhi AQI reached 369. here is weather Updates in Gujarati.