ચપ્પુ લઈને સંસદમાં ઘૂસવાની કોશિશ કરનાર વ્યક્તિની ધરપકડ

ભારે સુરક્ષા વચ્ચે એક યુવકે ચપ્પુ લઈને સંસદ ભવનમાં પ્રવેશવાનો પ્રયાસ કર્યો હતો. જોકે, સુરક્ષા કર્મચારીઓએ તેમને સંસદ ભવનના દરવાજેથી ધરપકડ કરી હતી

Published: Monday, September 2, 2019, 13:20 [IST]

ભારે સુરક્ષા વચ્ચે એક યુવકે ચપ્પુ લઈને સંસદ ભવનમાં પ્રવેશવાનો પ્રયાસ કર્યો હતો. જોકે, સુરક્ષા કર્મચારીઓએ તેમને સંસદ ભવનના દરવાજેથી ધરપકડ કરી હતી. સીઆરપીએફ અને દિલ્હી પોલીસ તેની પૂછપરછ કરી રહી છે. પ્રાપ્ત માહિતી અનુસાર, ધરપકડ કરાયેલ વ્યક્તિ આરોપી રામ રહીમનો સહાયક છે અને તે રામ રહીમના સમર્થનમાં નારા લગાવી રહ્યો હતો. આપણે જણાવી દઈએ કે, રામ રહીમ બળાત્કાર અને હત્યાના આરોપમાં ઘણા સમયથી જેલમાં છે.

સીઆરપીએફ અને દિલ્હી પોલીસની ટીમ સંદિગ્ધને સંસદ ભવન પોલીસ મથક લઈ જઈ રહી છે અને જ્યાં તેની પૂછપરછ કરવામાં આવશે. પોલીસ તેની પૂછપરછ કરશે કે શા માટે તેણે સંસદમાં છરી લઇને પ્રવેશવાનો પ્રયાસ કર્યો, તેનો હેતુ શું હતો. કહેવામાં આવી રહ્યું છે કે આ યુવક દિલ્હીના લક્ષ્મીનગરનો છે. આ યુવક જે બાઇકથી સંસદ ભવન પહોંચ્યો હતો તેને પોલીસે કબજે કરી છે.

આ પણ વાંચો: પ્લાસ્ટિક પર દેશવ્યાપી પ્રતિબંધ સામે વેપારીઓની અન્ય વિકલ્પની માંગ

Published On September 2, 2019