Delhi Pollution: દિલ્હીનો AQI આજે પણ ખરાબ, સાંજ સુધી થઇ શકે છે વરસાદ, IMD રિપોર્ટ
રાજધાની દિલ્હીના હવામાનમાં ઝડપથી બદલાવ જોવા મળી રહ્યો છે. સવારથી જ રાજધાનીમાં આજે પણ પ્રદૂષણ ઓછું નથી. આજે પણ અહીંની હવામાં ઝેર છે. રાજધાનીમાં ઘણી જગ્યાએ ખરાબ હવાની ગુણવત્તાને કારણે ધુમ્મસ છે. સિસ્ટમ ઓફ એર ક્વોલિટી એન્ડ
રાજધાની દિલ્હીના હવામાનમાં ઝડપથી બદલાવ જોવા મળી રહ્યો છે. સવારથી જ રાજધાનીમાં આજે પણ પ્રદૂષણ ઓછું નથી. આજે પણ અહીંની હવામાં ઝેર છે. રાજધાનીમાં ઘણી જગ્યાએ ખરાબ હવાની ગુણવત્તાને કારણે ધુમ્મસ છે. સિસ્ટમ ઓફ એર ક્વોલિટી એન્ડ વેધર ફોરકાસ્ટિંગ એન્ડ રિસર્ચ (SAFAR) અનુસાર, દિલ્હીમાં AQI આજે 221 પર પહોંચી ગયો છે. તો દિલ્હીને અડીને આવેલા નોઈડાનો AQI 239 અને ગુરુગ્રામનો AQI 355 પર પહોંચી ગયો છે.
સેન્ટ્રલ પોલ્યુશન કંટ્રોલ બોર્ડના જણાવ્યા અનુસાર, આજે સવારે દિલ્હીના AQIની સ્થિતિ
- પંજાબી બાગ, દિલ્હી - DPCC પીતમ પુરા 330AQI
- પુસા, દિલ્હી - IMD પશ્ચિમ દિલ્હી 302 AQI
- શાદીપુર, દિલ્હી-પશ્ચિમ દિલ્હી 313 AQI
- મુંડકા, દિલ્હી - ભીમ નગર 315 AQI
- પરપરગંજ - 355 AQI
- અશોક વિહાર, દિલ્હી - DPCC- 328 AQI
આ છે માપદંડ
- AQI 0 અને 50 ની વચ્ચે સારો
- AQI 51 અને 100 વચ્ચે "સંતોષકારક" છે
- AQI 101 અને 200 વચ્ચે,"મધ્યમ"
- AQI 201 અને 300 વચ્ચે "ખરાબ"
- AQI 301 અને 400 ની વચ્ચે "ખૂબ ખરાબ" છે
- AQI 401 અને 500 વચ્ચે "બહુ જ ખરાબ" છે
વરસાદની આગાહી
જો કે આજે હવામાન વિભાગે દિલ્હીમાં આંશિક વાદળછાયું આકાશ અને હળવા વરસાદની આગાહી કરી છે. જો અહીં વરસાદ થશે તો તાપમાન તો ઘટશે જ સાથે સાથે પ્રદુષણ પણ ઓછું થશે. આજે અહીં લઘુત્તમ તાપમાન 14 ડિગ્રી અને મહત્તમ તાપમાન 29 ડિગ્રી નોંધાઈ શકે છે.
હિમવર્ષાની પણ સંભાવના
દિલ્હીની આ હાલત છે તો બીજી તરફ હિમાચલમાં હળવો હિમવર્ષા ચાલુ છે ત્યારે હવામાન વિભાગે આજે પણ હિમવર્ષા થવાની સંભાવના વ્યક્ત કરી છે. હિમાચલની સાથે સાથે ઉત્તરાખંડ અને કાશ્મીરમાં પણ વરસાદની સંભાવના છે. તો બીજી તરફ તમિલનાડુ, પુડુચેરી, કરાઈકલ, રાયલસીમા, આંધ્રપ્રદેશ, કેરળ અને કર્ણાટકમાં હળવો વરસાદ અને પવનની અપેક્ષા છે. હવામાન વિભાગે અહીં વરસાદનું એલર્ટ જાહેર કર્યું છે.