Exclusive: યુપીમાં કોંગ્રેસ-ભાજપ વચ્ચે સમજૂતિ!
લખનઉ(નવીન નિગમ): ઉત્તર પ્રદેશમાં પોતાની જમીન શોધી રહેલા ભાજપ અને કોંગ્રેસે ચૂંટણી પ્રચાર માટે એક સમજૂતિ કરી લીધી છે. આ એક અલગ વાત છે કે આ સમજૂતિ માટે ના તો બન્ને દળોના નેતાઓ વચ્ચે વાતચીત થઇ છે અને ના તો કોઇ બેઠક, પરંતુ જમીની સ્તર પર બન્ને દળોએ એ નક્કી કર્યું છે કે જનતા વચ્ચે ક્ષેત્રીય દળો વિરુદ્ધ એ વાતનો પ્રચાર કરીશું કે આ દળ લોકસભામાં જીત્યા બાદ જનતાના વોટની કાળજી નહીં રાખતા પોતાની મરજીથી સમર્થન આપવા અને નહી આપવા અંગે નિર્ણય કરે છે.
બન્ને દળો એ વાત પર પણ જોર આપશે કે તમે કોંગ્રેસ અને ભાજપને જ વોટ આપશો. કોંગ્રેસને નેતા પોતાના ભાષણોમાં ભાજપને ટીકા કરશે અને આવું જ ભાજપના નેતાઓ કોંગ્રેસ માટે કરશે, પરંતુ ભાષણની વચ્ચે એવું પણ કહેશે કે જો તમને અમે પસંદ નથી તો તમે અમને વોટ નહીં આપતા પરંતુ વોટ કોઇ રાષ્ટ્રીય પાર્ટીને જ આપજો. બન્ને દળોના નેતા ભાષણમાં એવું કહેતા પણ જોવા મળશે કે કેન્દ્રમાં કાં તો કોંગ્રેસ અથવા તો ભાજપ જ સરકાર બનાવશે, તેથી સીધો વોટ એને જ આપજો જે સરકાર બનાવી શકે છે. સરકારોને બ્લેકમેઇલ કરનારા, તમારી સહમતિ વગર તમારા વોટનો સોદો કરનારાઓને વોટ આપતા નહીં.
ઉત્તર પ્રદેશમાં બન્ને રાષ્ટ્રીય પાર્ટીઓ હાંસિયામાં ધકેલાઇ ગઇ છે, તેથી આ પ્રકારનું પ્રચાર બન્નેને ફાયદો પહોંચાડશે. કોંગ્રેસને આ પ્રચારના કારણે પોતાના મુસ્લિમ અને દલિત વોટ વધારવાની આશા છે, તો ભાજપને મુસ્લિમ વોટમાં તોડવા અને કટેલાક પછાત વોટ પોતાની ઝોળીમાં આવવાની આશા છે.
Click it and Unblock the Notifications
Sign in with Google
