હરિયાણા: ગેરકાયદે ખનન થતુ રોકવા ગયેલ DSPની હત્યા, ખનન માફીયાઓએ ડંપરથી કુચલ્યા

નૂહમાં ગેરકાયદે ખનન રોકવા ગયેલા મેવાતના હરિયાણાના ડીએસપી સુરેન્દ્ર સિંહને ખાણ માફિયાઓએ ડમ્પર વડે કચડી નાખ્યા હતા. જેના કારણે ડીએસપી સુરેન્દ્ર સિંહનું ઘટનાસ્થળે જ મોત થયું હતું. DSPનો મૃતદેહ પચગાંવની પહાડીઓમાંથી મળી આવ્યો છે. આ ઘટના બાદ પોલીસ વિભાગમાં ખળભળાટ મચી ગયો છે. પોલીસે આરોપીને પકડવા માટે સર્ચ ઓપરેશન હાથ ધરી છે.

ઘટના ગુરુગ્રામને અડીને આવેલા નુહ જિલ્લાના તાવડુ પોલીસ સ્ટેશન વિસ્તારના પચગાંવ ગામની છે. મંગળવારે સવારે ડીએસપી (તાવડુ) સુરેન્દ્ર સિંહ બિશ્નોઈને પચગાંવને અડીને આવેલા અરવલ્લી ટેકરી પર ગેરકાયદેસર ખાણકામની માહિતી મળી હતી. તેઓ તેમની ટીમ સાથે મંગળવારે સવારે 11 વાગ્યે ખનન રોકવા માટે સ્થળ પર પહોંચ્યા હતા. પોલીસને ઘટનાસ્થળે જોઈને ખનન કરનારા લોકોમાં દોડધામ મચી ગઈ હતી. પોલીસ ટીમને જોતા જ ડુંગર પાસે ઉભેલા ડમ્પર ચાલક અને ખાણકામમાં લાગેલા લોકો ભાગવા લાગ્યા હતા.

દરમિયાન ડીએસપી સુરેન્દ્ર સિંહ વાહન રોકવા આગળ આવ્યા ત્યારે ડમ્પર ચાલક તેમને ટક્કર મારીને નાસી ગયો હતો. ટાયર નીચે આવી જતાં ડીએસપીનું ઘટનાસ્થળે જ મોત થયું હતું. અકસ્માતની જાણ થતા પોલીસમાં દોડધામ મચી ગઈ હતી. ઘટનાની માહિતી મળતાં જ એસપી નુહ અને એસડીએમ અને તહસીલદાર તાવડુના નેતૃત્વમાં ભારે પોલીસ દળ ઘટનાસ્થળે પહોંચી ગયું હતું. મીડિયા રિપોર્ટ્સ અનુસાર, ડીએસપી મૂળ હિસારના હતા.

આરોપીઓને શોધવા માટે પોલીસ દ્વારા ગામ અને અરવલી ટેકરીઓમાં સર્ચ ઓપરેશન શરૂ કરવામાં આવ્યું છે. નૂહના એસપી અને આઈજી સ્થળ પર હાજર છે. આરોપીને પકડવા માટે સર્ચ ઓપરેશન ચાલુ છે. ડેપ્યુટી એસપીની હત્યા, પોલીસે ટ્વિટ કરીને કહ્યું છે કે કોઈપણ ગુનેગારને બક્ષવામાં આવશે નહીં.

English summary

Haryana: DSP killed for stopping illegal mining