Haryana Election Results 2019: હરિયાણાએ બધાને ચોંકાવ્યા
હરિયાણામાં વિધાનસભાની ચૂંટણીઓ પૂર્ણ થયા બાદ ભારતીય જનતા પાર્ટીને તમામ એક્ઝિટ પોલમાં સંપૂર્ણ બહુમતી મળતી જોવા મળી હતી.
હરિયાણામાં વિધાનસભાની ચૂંટણીઓ પૂર્ણ થયા બાદ ભારતીય જનતા પાર્ટીને તમામ એક્ઝિટ પોલમાં સંપૂર્ણ બહુમતી મળતી જોવા મળી હતી. પરંતુ, જે રીતે મતની ગણતરી ચાલી રહી છે અને જો તેના પ્રારંભિક આંકડા જોઈએ તો રાજ્યમાં ભાજપનો માર્ગ મુશ્કેલ લાગે છે. રાજ્યમાં કોઈ પણ પક્ષને સંપૂર્ણ બહુમતી મળે તેમ લાગતું નથી. જો આપણે પ્રારંભિક આંકડાઓને ધ્યાનમાં લઈશું, તો રાજ્યમાં સરકાર બનાવવા માટે જોડતોડ કરવી જરૂરી દેખાઈ રહી છે.
મતગણતરીના પ્રારંભિક વલણો મુજબ, રાજ્ય હંગ વિધાનસભા તરફ આગળ વધી રહ્યું છે. રાજ્યના બંને મુખ્ય પક્ષો ભારતીય જનતા પાર્ટી હાલમાં 37 બેઠકો પર આગળ છે, જ્યારે કોંગ્રેસ અહીં 31 બેઠકો પર આગળ છે. જ્યારે અન્ય ઉમેદવારો પર નજર કરીએ તો, અન્ય 11 બેઠકો પર આગળ છે. આપને જણાવી દઈએ કે હરિયાણામાં વિધાનસભાની કુલ 90 બેઠકો છે, તેથી રાજ્યમાં સંપૂર્ણ બહુમતીના આંકડા માટે, 45 બેઠકો જીતવાની જરૂર છે.
તમને જણાવી દઈએ કે વર્ષ 2014 દરમિયાન હરિયાણા વિધાનસભાની ચૂંટણીમાં પહેલીવાર ભાજપને રાજ્યમાં બહુમતી મળી હતી. દસેક વર્ષથી સત્તામાં રહેલી કોંગ્રેસને ભાજપે હાંકી કાઢી હતી. 2014 માં, ભાજપે હરિયાણાની 90 માંથી 48 બેઠકો જીતી હતી, જ્યારે ભારતીય રાષ્ટ્રીય લોકદળે 19 અને કોંગ્રેસને 15 બેઠકો મળી હતી. ગત વિધાનસભાની ચૂંટણીમાં તમામ પક્ષોના મતદાનની ટકાવારી પર નજર નાખો તો સૌથી મોટી પાર્ટી ભાજપનું મતદાન ટકાવારી 33 ટકા હતું. પાર્ટીએ 48 બેઠકો જીતી અને સત્તા સંભાળી હતી. બીજો નંબર 19 બેઠકો સાથે 24 ટકા મતદાન ટકાવારી સાથે INLD હતો. ત્રીજા નંબર પર કોંગ્રેસ 21% મતદાન ટકાવારી સાથે 15 બેઠકો જીતી હતી.
આ પણ વાંચો: હરિયાણાઃ ભાજપે બાદલ પરિવારને દુષ્યંત ચૌટાલાને મનાવવા કહ્યુ