દેશના આ 8 રાજ્યોમાં ભારે વરસાદની આશંકા, એલર્ટ જાહેર
આગામી 24 થી 48 કલાકમાં દિલ્હી, હરિયાણા, પૂર્વ મધ્યપ્રદેશ, હિમાચલ પ્રદેશ, પંજાબ, ઉત્તરાખંડ અને જમ્મુ-કાશ્મીરમાં ભારે વરસાદની સંભાવના છે.
ભારતીય હવામાન વિભાગે દેશના 8 રાજ્યોમાં ભારે વરસાદ માટે ચેતવણી જાહેર કરી છે. વિભાગ અનુસાર, આગામી 24 થી 48 કલાકમાં દિલ્હી, હરિયાણા, પૂર્વ મધ્યપ્રદેશ, હિમાચલ પ્રદેશ, પંજાબ, ઉત્તરાખંડ અને જમ્મુ-કાશ્મીરમાં ભારે વરસાદની સંભાવના છે. વિભાગે લોકોને સાવચેત રહેવા જણાવ્યું છે. તમને જણાવી દઇએ કે રાજસ્થાન સહિત દેશના ઘણા રાજ્યોમાં ભારે વરસાદ ચાલુ છે. કેટલીક જગ્યાએ પૂર જેવી સ્થિતિ સર્જાઈ છે.
આ પણ વાંચો: હિમાચલ-ઉત્તરાખંડમાં રેડ એલર્ટ, દેશના 14 રાજ્યોમાં ભારે વરસાદની સંભાવના
હિમાચલ પ્રદેશમાં ભારે વરસાદનું રેડ એલર્ટ
હવામાન વિભાગે હિમાચલ પ્રદેશમાં ભારે વરસાદ માટે રેડ એલર્ટ જાહેર કર્યું હતું, તેણે ઉના, બિલાસપુર, હમીરપુર, ચંબા, કાંગરા અને મંડિમાં ભારે વરસાદ માટે રેડ એલર્ટ જાહેર કર્યું હતું, જ્યારે હવામાન વિભાગ અનુસાર આવનારા 24 કલાકમાં ઉત્તરાખંડ, પશ્ચિમ ઉત્તર પ્રદેશ, પૂર્વ મધ્યપ્રદેશ, વિદર્ભ અને છત્તીસગઢમાં ભારેથી અતિ ભારે વરસાદની સંભાવના છે. વિભાગના જણાવ્યા મુજબ, હાલમાં ઉત્તરાખંડમાં અલકનંદા ઉફાન પર છે. એટલા માટે લોકોને સચેત કરવામાં આવ્યા છે. ઉત્તરકાશી, ચમોલી, દહેરાદૂન, તેહરીમાં અને હરીદ્વાર ભારે વરસાદની માટે ચેતવણી જાહેર કરવામાં આવી છે. 19 ઓગસ્ટ સુધી આ ચેતવણી જાહેર કરી છે.
ઉત્તરાખંડમાં 19 ઓગસ્ટ સુધી એલર્ટ જાહેર
ઉત્તરાખંડના નીચલા મેદાનોવાળા જિલ્લાઓમાં પૂરના જોખમ માટે એલર્ટ પણ જાહેર કરવામાં આવ્યું છે. આવી સ્થિતિમાં હરિદ્વાર રૂરકી જેવા નીચાણવાળા વિસ્તારોમાં ખૂબ જાગ્રત રહેવાની સૂચના પણ આપવામાં આવી છે. ટિહરી અને હરિદ્વારમાં ભારે વરસાદ માટે ચેતવણી જારી કરવામાં આવી છે. હવામાન વિભાગે કહ્યું કે, અહીં આવતા ત્રણ દિવસમાં ભારે વરસાદ પડી શકે છે. એટલા માટે તેમને ઉત્તરાખંડમાં 19 ઓગસ્ટ સુધી ચેતવણી જાહેર કરી છે.
રાજધાની દિલ્હીમાં પણ વરસાદ થઇ શકે છે
રાજધાની દિલ્હીમાં આગામી ત્રણ દિવસ ભારે વરસાદની ચેતવણીની સંભાવના છે. દિલ્હી સિવાય રાજસ્થાન, મધ્યપ્રદેશ, કેરળમાં ભારેથી અતિ ભારે વરસાદની સંભાવના છે. હવામાન વિભાગના જણાવ્યા અનુસાર, ઝારખંડને લગતા વિસ્તારો અને ગંગાત્મક પશ્ચિમ બંગાળ અને ઉત્તર ઓડિશામાં લો પ્રેશર ક્ષેત્ર બનેલું છે. આ ઉપરાંત મધ્ય મહારાષ્ટ્રના ઘાટ વિસ્તારો, કોંકણ, ગોવા, ઓડિશા, તેલંગાણા, કેરળમાં જુદા જુદા સ્થળોએ મુશળધાર વરસાદની સંભાવના છે.