હિમાચલ 100 ટકા કોવિડ રસીકરણ કરનારૂ દેશનું પહેલુ રાજ્ય બન્યું!

હિમાચલ પ્રદેશ કોવિડ-19 સામે રાજ્યના તમામ પુખ્ત વયના લોકોને રસી આપનાર દેશનું પ્રથમ રાજ્ય બન્યું છે. સરકારે શનિવારે આ દાવો કર્યો હતો.

શિમલા, 05 ડિસેમ્બર : હિમાચલ પ્રદેશ કોવિડ-19 સામે રાજ્યના તમામ પુખ્ત વયના લોકોને રસી આપનાર દેશનું પ્રથમ રાજ્ય બન્યું છે. સરકારે શનિવારે આ દાવો કર્યો હતો. સરકારી પ્રવક્તાએ કહ્યું કે, હિમાચલ પ્રદેશમાં રસી મેળવનાર 53,86,393 પુખ્ત લોકોને રસીનો બીજો ડોઝ આપવામાં આવ્યો છે. તેમણે કહ્યું કે હિમાચલ પ્રદેશ તેની સમગ્ર પુખ્ત વસ્તીને રસીનો પ્રથમ ડોઝ આપવાના મામલે પણ પહેલું રાજ્ય છે, જેણે ઓગસ્ટના અંતમાં આ સિદ્ધિ હાંસલ કરી હતી.

રવિવારે બિલાસપુરના ઓલ ઈન્ડિયા ઈન્સ્ટિટ્યૂટ ઑફ મેડિકલ સાયન્સ (AIIMS) ખાતે કોવિડ-19 કાર્યકર્તાઓના સન્માન માટે એક વિશેષ કાર્યક્રમનું આયોજન કરવામાં આવશે. પ્રવક્તાએ કહ્યું કે ભાજપના રાષ્ટ્રીય અધ્યક્ષ જેપી નડ્ડા અને કેન્દ્રીય સ્વાસ્થ્ય મંત્રી મનસુખ માંડવિયા પણ આ કાર્યક્રમમાં ભાગ લેશે. આ દરમિયાન નાગરિકોના રસીકરણમાં મહત્વની ભૂમિકા ભજવનાર આરોગ્ય કર્મચારીઓને પ્રમાણપત્રો આપવામાં આવશે.

સત્તાવાર પ્રવક્તાના જણાવ્યા અનુસાર, મુખ્યમંત્રી જયરામ ઠાકુર, કેન્દ્રીય મંત્રી અનુરાગ ઠાકુર અને રાજ્યના આરોગ્ય મંત્રી રાજીવ સૈઝલ પણ આ કાર્યક્રમમાં હાજરી આપશે. તમને જણાવી દઈએ કે, હાલમાં જ બીજેપીના પ્રદેશ અધ્યક્ષ અને શિમલાના સાંસદ સુરેશ કશ્યપે કહ્યું હતું કે જેપી નડ્ડા તેમની મુલાકાત દરમિયાન AIIMSમાં એક OPDનું ઉદ્ઘાટન પણ કરશે. વડા પ્રધાન નરેન્દ્ર મોદીએ 6 સપ્ટેમ્બરે રસીકરણ માટે રાજ્ય વહીવટીતંત્રના પ્રયાસોની પ્રશંસા કરી હતી તેના ત્રણ મહિના પછી આ કાર્યક્રમનું આયોજન કરવામાં આવ્યું છે.

English summary

Himachal became the first state in the country to vaccinate 100 per cent covid!