સિલેક્ટ કમિટીની ભલામણ : PMને લાવો લોકપાલ હેઠળ

નવી દિલ્હી, 19 નવેમ્બર : લોકપાલ મુદ્દે બનાવવામાં આવેલી સંસદની સિલેક્ટ કમિટીએ પોતાની ભલામણમાં જણાવ્યું છે કે વડા પ્રધાનને પણ લોકપાલની સત્તા હેઠળ આવરી લેવા જોઇએ. આ સાથે તેમણે એમ પણ જણાવ્યું કે પરમાણુ ઉર્જા અને જાસૂસી સાથે સંકળાયેલી બાબતોમાં તેમને છૂટ આપવી જોઇએ.

સિલેક્ટ કમિટીએ એવી ભલામણ પણ કરી છે કે લોકપાલ પાસ થયાના એકાદ વર્ષની અંદર દરેક રાજ્યોમાં એક લોકાયુક્ત અવશ્ય હોવા જોઇએ. અલબત્ત, લોકપાલમાં અનામતના મુદ્દે મતભેદ ઉકેલી શકાયા નથી.

આ ભલામણોમાં સીબીઆઇની સ્વતંત્રતાનું ખાસ ધ્યાન રાખવામાં આવ્યું છે. આ મુજબ સીબીઆઇનો જે ઓફિસર તપાસ કરી રહ્યો હશે તેની બદલી કરી શકાશે નહીં તેમ જણાવવામાં આવ્યું છે.

English summary

House panel recommends bring Prime Minister under Lokpal.