ભારતે બેલિસ્ટિક મિસાઈલ ડિફેન્સ ઈન્ટરસેપ્ટર AD-1નું સફળ પરીક્ષણ કર્યુ, જાણો તેની ખાસિયતો!
સરહદો પર ભારતને પાકિસ્તાન અને ચીન જેવા દુશ્મોનોથી ખતરો છે ત્યારે ભારત તેની તાકાતમાં સતત વધારો કરી રહ્યું છે.
નવી દિલ્હી : સરહદો પર ભારતને પાકિસ્તાન અને ચીન જેવા દુશ્મોનોથી ખતરો છે ત્યારે ભારત તેની તાકાતમાં સતત વધારો કરી રહ્યું છે. ભારત એક પછી એક આધુનિક હથિયારો બનાવી રહ્યુ છે ત્યારે હવે ભારતે તેની તાકાતમાં વધુ એક મોટા હથિયારનો ઉમેરો કર્યો છે. ભારત તમામ ક્ષેત્રે મેક ઈન ઈન્ડિયા પર ભાર મુકી રહ્યું છે ત્યારે આ એક મોટી સફળતા છે.
બુધવારે ભારતે બીજા તબક્કાની બેલિસ્ટિક મિસાઇલ ડિફેન્સ (BMD) ઇન્ટરસેપ્ટર AD-1 મિસાઇલનું સફળ પરિક્ષણ કર્યુ છે. આ પરિક્ષણ ભારતે ઓડિશાના APJ અબ્દુલ કલામ દ્વીપ પરથી સફળતાપૂર્વક કર્યુ હતું.
આ પરીક્ષણ તમામ પ્રકારની બેલિસ્ટિક મિસાઈલ ડિફેન્સ વેપન સિસ્ટમ્સની ભાગીદારી સાથે કરવામાં આવ્યું છે. વીડિયોમાં BMD ઇન્ટરસેપ્ટર AD-1 મિસાઇલનું પ્રથમ સફળ પરીક્ષણ જોવા મળે છે.
India today successfully conducted maiden Flight Test of Phase-II Ballistic Missile Defence (BMD) interceptor AD-1 missile with large kill altitude bracket today from APJ Abdul Kalam Island, Odisha. Flight test was carried out with participation of all BMD weapon system elements. pic.twitter.com/itbRtrsBBp
— ANI (@ANI) November 2, 2022
અહીં તમને જણાવી દઈએ કે આ પહેલા ભારતે અગ્નિ પ્રાઈમ મિસાઈલનું ત્રીજી વખત સફળ પરિક્ષણ કર્યુ હતું. આ એક નવી જનરેશનની મીડિયમ રેંજ બેલેસ્ટિક મિસાઈલ છે. આ મિસાઈલને સંપુર્ણ રીતે ભારતમાં બનાવાઈ છે. અગ્નિ પ્રાઇમ મિસાઇલ 1 થી 2 હજાર કિમી સુધીના લક્ષ્યને નષ્ટ કરવાની ક્ષમતા ધરાવે છે.