પાકિસ્તાને ફરી ઉજાળી માની કોખ, ફાયરિંગમાં જવાનનું મોત
જમ્મૂ, 16 ઓક્ટોબર: પાકિસ્તાન તરફથી છેલ્લા એક અઠવાડિયામાં 7 વખત સીઝફાયરનું ઉલ્લંઘન કરવામાં આવ્યું છે. વારંવાર પાકિસ્તાન નિયમોને નેવે મુકીને ભારતની સીમા પર ગોળીઓનો વરસાદ કરતું રહ્યું છે. જોકે આપણા જાબાંજ જવાન દરેક વખતે ઝડબા તોડ જવાબ આપે છે, પરંતુ પાકિસ્તાન સુધરવાનું નામ જ નથી લઇ રહ્યું.
જમ્મુ કાશ્મીરની ભારત-પાક સીમાના પુંછ સેક્ટરમાં એકવાર ફરી પાકિસ્તાન દ્વારા સીઝફાયરના નિયમોને તોડીને નિયંત્રણ રેખા પર સ્થિત બાલાકોટ ઉપક્ષેત્રમાં ગોળીબાર કર્યો. પાકિસ્તાન તરફથી થયેલા ગોળીબારમાં એક ભારતીય જવાન શહીદ થઇ ગયો છે. સાંજે સાડા 5 વાગ્યાની આસપાસ પાકિસ્તાન તરફથી ફાયરિંગની શરૂઆત કરવામાં આવી.
આ પહેલા પાકિસ્તાની સેનાએ ગઇકાલે સાંબા જિલ્લામાં આંતરરાષ્ટ્રીય સીમાની પાસે કાટવ સીમા ચોકી પર ગોળીબારી કરી જેમાં સરહદી સુરક્ષાનો એક જવાન ઘાયલ થઇ ગયો હતો.
Click it and Unblock the Notifications
Sign in with Google
