કર્ણાટક: મસ્જિદના જીર્ણોદ્ધાર સમયે નિકળ્યો મંદીર જેવો ઢાંચો, વિશ્વ હિન્દુ પરીષદે કહ્યું- રોકી દો કામ

અરબી સમુદ્રને અડીને આવેલા દક્ષિણ ભારતના કર્ણાટક રાજ્યમાં મેંગલુરુ (મેંગલોર) મસ્જિદના નવીનીકરણના કામ દરમિયાન, તેમાં હિન્દુ મંદિરો જેવા સ્થાપત્ય પથ્થરો મળી આવ્યા હતા. જ્યારે વિશ્વ હિન્દુ પરિષદ (VHP)ના નેતાઓને માહિતી મળી તો તેઓ ત્યાં પહોંચ્યા. તેણે જોયું કે મેંગલુરુની બહાર આવેલી એક જૂની મસ્જિદની નીચે એક મંદિર જેવું માળખું ઊભું હતું, ત્યારબાદ એવું કહેવામાં આવ્યું કે ત્યાં એક હિન્દુ મંદિર હતું.

અહીંની મસ્જિદમાં જે સ્ટ્રક્ચર જોવા મળ્યુ છે તે મંદિર છે?

મસ્જિદને બદલે મંદિરની વાત શરૂ થઈ. તે જ સમયે, વિશ્વ હિંદુ પરિષદ (VHP) એ જિલ્લા વહીવટીતંત્રને વિનંતી કરી કે તે મસ્જિદના નવીનીકરણનું કામ અટકાવે અને જ્યાં સુધી દસ્તાવેજોની ચકાસણી કરવામાં ન આવે ત્યાં સુધી તે રોકવું જોઈએ. વીએચપીને લાગે છે કે, અગાઉ આ જગ્યાએ મંદિર હતું, તેથી મસ્જિદની રચનામાં મંદિરના શિલ્પો દેખાય છે. સમાચાર એજન્સીના અહેવાલમાં કહેવામાં આવ્યું છે કે મેંગલુરુના બહારના વિસ્તાર મલાલીમાં જુમા મસ્જિદમાં નવીનીકરણનું કામ ચાલી રહ્યું હતું ત્યારે આ મામલો પ્રકાશમાં આવ્યો હતો.

વિશ્વ હિન્દુ પરીષદે રોકાવ્યુ કામ

મંદિર જેવું માળખું મળી આવતા, હવે ઘણા લોકો એવું સૂચન કરી રહ્યા છે કે ત્યાં એક સમયે હિંદુ મંદિર હોવાની પ્રબળ સંભાવના છે. આ સંભાવનાને કારણે, વિશ્વ હિન્દુ પરિષદ (VHP) ના નેતાઓએ જિલ્લા વહીવટીતંત્રને દસ્તાવેજોની ચકાસણી ન થાય ત્યાં સુધી કામ અટકાવવા કહ્યું છે. તે જ સમયે, આ મામલે દક્ષિણ કન્નડ કમિશનરેટનું નિવેદન પણ આવ્યું છે, જેમાં આદેશ આપવામાં આવ્યો છે કે જ્યાં સુધી વધુ આદેશ જારી ન થાય ત્યાં સુધી માળખું યથાવત રહેશે. કમિશનરેટ વતી, એવું કહેવામાં આવ્યું હતું કે વહીવટીતંત્ર જમીનના રેકોર્ડની તપાસ કરી રહ્યું છે અને લોકોને શાંતિ જાળવવા વિનંતી કરી છે.

પ્રશાસને કહ્યું- હાલ સ્થિતિ એવી જ રહેશે

દક્ષિણ કન્નડના ડેપ્યુટી કમિશનર રાજેન્દ્ર કેવીએ જણાવ્યું હતું કે, "મને આ મુદ્દા અંગે વિસ્તારના અધિકારીઓ અને પોલીસ વિભાગ પાસેથી માહિતી મળી છે. જિલ્લા વહીવટીતંત્ર જમીનના જૂના રેકોર્ડ અને માલિકીની વિગતો અંગેની એન્ટ્રીઓની તપાસ કરી રહ્યું છે. આ સંદર્ભે અમે તપાસ કરી રહ્યા છીએ. તેઓ વિભાગ અને વક્ફ બોર્ડ બંને પાસેથી રિપોર્ટ લેશે.

લોકો શાંતિ રાખે અમે તપાસ કરી રહ્યાં છીએ

અધિકારીએ જણાવ્યું હતું કે દાવાઓની માન્યતા તપાસવામાં આવશે. તેમણે કહ્યું, "અમે ખૂબ જ જલ્દી યોગ્ય નિર્ણય લઈશું. ત્યાં સુધી મેં યથાસ્થિતિ જાળવી રાખવાનો નિર્દેશ આપ્યો છે અને લોકોને વિનંતી કરી છે કે તેઓ કોઈ નિષ્કર્ષ પર ન જાય. હું લોકોને કાયદો અને વ્યવસ્થા અને શાંતિ જાળવવા વિનંતી કરું છું."

English summary

Karnataka: Structure Like Hindu Temple Found In Mosque Renovation, VHP Stopes Work