આરએએફની ટીમે સહાય માટે 10 ટ્રક ભરીને મોકલી સામગ્રી

કેરળમાં છેલ્લા બે અઠવાડિયેથી વરસાદ અને પૂરે ભારે તબાહી મચાવી હતી. હવે લોકોને ધીરે-ધીરે રાહત મળી રહી છે. કેરળમાં કેટલાય વિસ્તારોમાં પાણી ઘટ્યું છે અને લોકોને જરૂરી ચીજ વસ્તુઓ મળતી શરૂ થઈ ગઈ છે. જો કે હજુ પણ એવા કેટલાય વિસ્તારો છે જ્યાં હજારોની સંખ્યામાં લોકો ફસાયેલા છે અને એમને સુરક્ષિત બહાર કાઢવાનું કામ સેના અને એનડીઆરએફની ટીમ કરી રહી છે. સોમવારે પણ 6 લોકોના મૃત્યુના સમાચાર આવ્યા હતા. જ્યારે રાજ્યમાં 29મી મેના રોજ આવેલ પહેલા પૂર બાદ મૃતકોની સંખ્યા વધીને 400 થઈ ગઈ છે. રાજ્યમાં 5645 રાહત શિબિરોમાં રહેવા માટે 10 લાખથી વધુ લોકો મજબૂર થયા છે. રાજ્યમાં રાહત અને બચાવ કાર્ય યુદ્ધસ્તર પર ચલાવવામાં આવી રહ્યું છે. કેન્દ્ર સરકારથી લઈને તમામ રાજ્યો કેરળની મદદે આવ્યા છે. સેની, એરફોર્સ, એનડીઆરએફ, આઈટીબીપી સહિતની ટીમો રાહત કાર્યમાં લાગી ગઈ છે.

English summary

Kerala floods: state government calls for an all party meeting over flood situation.