મહારાષ્ટ્ર: અહમદનગર જિલ્લા હોસ્પિટલના ICUમાં ભીષણ આગ, 10 લોકોના મોત

મહારાષ્ટ્રના અહેમદનગરમાં જિલ્લા હોસ્પિટલમાં આગ લાગવાથી ઓછામાં ઓછા 10 લોકોના મોત થયા છે અને અનેક લોકો ઘાયલ થયા છે. મૃત્યુ પામેલા તમામ દર્દીઓની જાણ થઈ ગઈ છે, જેમને આઈસીયુમાં દાખલ કરવામાં આવ્યા હતા. આગમાં કેટલાક લોકો ઘાયલ થયાના પણ અહેવાલ છે. મળતી માહિતી મુજબ મૃત્યુ પામેલા લોકો કોરોના વાયરસથી સંક્રમિત હતા, જેમની ICUમાં સારવાર ચાલી રહી હતી.

અહમદનગર જિલ્લા કલેક્ટર રાજેન્દ્ર ભોસલેએ જણાવ્યું કે આગ હોસ્પિટલના ICUમાં લાગી હતી. જિલ્લા કલેક્ટરે 10 મૃત્યુની પુષ્ટિ કરી છે. આગની જાણ થતા ફાયર વિભાગ ઘટના સ્થળે પહોંચી ભારે જહેમત બાદ આગ પર કાબુ મેળવ્યો હતો. રાજેન્દ્ર ભોસલેએ જણાવ્યું કે શોર્ટ સર્કિટના કારણે આગ લાગી હતી. વોર્ડમાં કુલ 17 દર્દીઓ હતા. 10 દર્દીઓના મોત થયા છે અને 6 દર્દીઓને અન્ય હોસ્પિટલમાં ખસેડવામાં આવ્યા છે. એક દર્દીની હાલત ગંભીર છે.

મળતી માહિતી મુજબ આ આગ હોસ્પિટલના ગ્રાઉન્ડ ફ્લોર પર લાગી હતી. જે બાદ સ્થાનિક પ્રશાસન અને ફાયર વિભાગ ઘટના સ્થળે પહોંચી પરિસ્થિતિને કાબુમાં લીધી હતી. હોસ્પિટલમાં આગના સમાચાર મળતાં જ અહમદનગરના પાલક મંત્રી હસન મુશરફ પણ ઘટનાસ્થળે પહોંચી ગયા હતા. મુશ્રીફે કહ્યું છે કે અકસ્માત કેવી રીતે થયો તેની તપાસ કરવામાં આવશે અને જવાબદારો સામે કડક કાર્યવાહી કરવામાં આવશે.

English summary

Maharashtra: Fire kills 10 in ICU of Ahmednagar District Hospital