Make in India: આગામી પેઢીના સ્વદેશી આર્મર્ડ વાહનો તૈયાર, આજે સેનામાં શામેલ થશે પ્રથમ સેટ

ચીન અને પાકિસ્તાન સાથે ભારતનો વિવાદ લાંબા સમયથી ચાલી રહ્યો છે. આવી સ્થિતિમાં ભારતની ત્રણેય સેનાઓ સતત પોતાની જાતને મજબૂત કરી રહી હતી. મંગળવાર આ દિશામાં ખૂબ જ ખાસ દિવસ છે, કારણ કે આજે ભારતીય સેના પ્રમુખ જનરલ મનોજ મુકુંદ નરવણે નેક્સ્ટ જનરેશન આર્મર્ડ એન્જિનિયર રિકોનિસન્સ વ્હીકલના પ્રથમ સેટને કોર્પ્સ ઑફ એન્જિનિયર્સમાં સામેલ કરશે. ખાસ વાત એ છે કે તમામ વાહનો સંપૂર્ણપણે ભારતમાં બનાવવામાં આવ્યા છે.

આ મામલે ભારતીય સેનાના એક અધિકારીએ કહ્યું કે આ સિસ્ટમ ભારતીય સેનાની હાલની એન્જિનિયર રિકોનિસન્સ ક્ષમતાઓને વધારશે. આ ઉપરાંત, તે ભવિષ્યની કામગીરીમાં મુખ્ય ગેમ ચેન્જર સાબિત થશે. તેમણે વધુમાં કહ્યું કે જો દુશ્મન દળો અથવા આતંકવાદીઓ ઘૂસણખોરી કરવાનો પ્રયાસ કરે છે તો તેનો સામનો કરવા માટે ભારતીય સેનાના કોર્પ્સ ઑફ એન્જિનિયર્સને ટેન્ક વિરોધી વાહનોનો આ નવો સેટ મળી રહ્યો છે.

સેનાના એક અધિકારીના જણાવ્યા અનુસાર, ભારતીય સેના સાત લાખ 'પ્રોફેશનલ' એન્ટી પર્સનલ માઈન્સને સામેલ કરવા જઈ રહી છે, જેમાં આરડીએક્સનું શક્તિશાળી સંયોજન છે. આ પણ સંપૂર્ણપણે સ્વદેશી છે. આ ઉપરાંત ભારતીય સેના માટે DRDO દ્વારા વિભવ અને વિશાલ નેક્સ્ટ જનરેશન મેડ ઈન ઈન્ડિયા એન્ટી ટેન્ક માઈન્સ વિકસાવવામાં આવી છે, જેનું પરીક્ષણ ચાલી રહ્યું છે. તેમણે કહ્યું કે સુધારેલી ડિઝાઇન અને સેન્સરના કારણે દુશ્મનની ટેન્ક સામે નવી એન્ટી ટેન્ક માઇન્સ વધુ અસરકારક છે.

English summary

Make in India: Next generation indigenous armored vehicles ready