મમતા બેનર્જી પર નંદીગ્રામમાં થયેલ કથિત હુમલા પહેલાનો વીડિયો આવ્યો સામે, જુઓ શું થયુ હતુ

સોશિયલ મીડિયા પર એ વીડિયો વાયરલ થઈ રહ્યો છે, જે મમતા બેનર્જીને ઈજા પહોંચાડવાની બરાબર પહેલાનો છે.

Published: Friday, March 12, 2021, 10:03 [IST]

કોલકત્તાઃ પશ્ચિમ બંગાળના મુખ્યમંત્રી અને ટીએમસી પ્રમુખ મમતા બેનર્જીએ 10 માર્ચે આરોપ લગાવ્યો હતો કે નંદીગ્રામમાં પશ્ચિમ બંગાળ વિધાનસભા ચૂંટણી પ્રચાર દરમિયાન ચારથી પાંચ લોકોએ તેમને ધક્કો મારી દીધો હતો. ત્યારબાદ તે ઘાયલ થઈ ગયા છે. મમતા બેનર્જી હાલમાં કોલકત્તાની હોસ્પિટલમાં ભરતી છે. મમતા બેનર્જી સાથે દૂર્ઘટના ત્યારે બની જ્યારે 10 માર્ચની સાંજે 6 વાગે જ્યારે તે ભીડનુ અભિવાદન સ્વીકારી રહ્યા હતા. મમતા બેનર્જીના કથિત હુમલાના આરોપને ભાજપ અને કોંગ્રેસ બંનેએ નાટક ગણાવ્યુ છે. આ દરમિયાન સોશિયલ મીડિયા પર એ વીડિયો વાયરલ થઈ રહ્યો છે, જે મમતા બેનર્જીને ઈજા પહોંચાડવાની બરાબર પહેલાનો છે. આ વીડિયોમાં જોઈ શકાય છે કે સીએમ મમતા બેનર્જી કારના ફૂટબૉર્ડ પર ઉભા રહીને સમર્થકોનુ અભિવાદન સ્વીકારી રહ્યા છે.

વીડિયો જોઈએ તો એવુ નથી લાગતુ કે મમતા બેનર્જી પર હુમલો કરવામાં આવ્યો છે. વીડિયોમાં દેખાઈ રહ્યુ છે કે મમતા બેનર્જીની આસપાસ ઘણી ભીડ છે. મમતા બેનર્જી ધીમી ચાલતી કારના ફૂટબોર્ડ પર ઉભા રહીને પોતાના સમર્થકોનુ અભિવાદન સ્વીકારી રહ્યા છે. આ દરમિયાન ધક્કો લાગવાથી તેમને ઈજા થઈ છે. તૃણમૂલ કોંગ્રેસના એક સમર્થકે કહ્યુ કે દૂર્ઘટના વખતે મમતા બેનર્જીી કારનો દરવાજો ખુલ્લો હતો જ્યાં તેમના અંગત સુરક્ષાકર્મી હાજર હતા.

ભાજપ આઈટી સેલના પ્રમુખ અમિત માલવીયએ આ વીડિયો પોતાના ટ્વિટર હેન્ડલ પર શેર કર્યો છે. અમિત માલવીયએ મમતા બેનર્જીના ઘાયલ થતા પહેલાનો વીડિયો શેર કરીને લખ્યુ છે, 'અમે ભગવાનને જલ્દી સાજા થવાની કામના કરીએ છીએ પરંતુ 24 કલાકથી પણ ઓછા સમયમાં ચૂંટણી પ્રચાર કરતા, તેમના(મમતા બેનર્જી) નિવેદનોમાં વિરોધાભાસ દેખાઈ રહ્યો છે. કથિત હુમલાની તેમની ખુદની થિયરી અલગ-અલગ છે.'

We wish Pishi a fast recovery.

But it is amusing to see her contradict her own ‘attack’ theory and attribute the injury to a mishap, while campaigning, in less than 24 hours!

This may perhaps be a result of intense public outrage and indignation in Nandigram against her claims! pic.twitter.com/4jjO45PKUm
— Amit Malviya (@amitmalviya) March 11, 2021