સગીર રેપ કેસઃ ઓરિસ્સા ટીવીના MD અને રેપ પીડિતની માની વાતચીત વાયરલ
ઓરિસ્સાના ભાજપ નેતા બૈજયંત પાંડાની પત્ની અને ઓરિસ્સા ટીવીના એમડી જગી પાંડાનો એક ઑડિયો સોશિયલ મીડિયા પર વાયરલ થઈ રહ્યો છે.
ભુવનેશ્વરઃ ઓરિસ્સાના ભાજપ નેતા બૈજયંત પાંડાની પત્ની અને ઓરિસ્સા ટીવીના એમડી જગી પાંડાનો એક ઑડિયો સોશિયલ મીડિયા પર વાયરલ થઈ રહ્યો છે. સોશિયલ મીડિયા પર વાયરલ આ ઑડિયોમાં જગી પાંડા રેપ પીડિત એક સગીર બાળકીની મા સાથે ટેલીફોન પર વાત કરી રહ્યા છે. આ વાતચીતમાં જગી પાંડા મહિલાને પોતાની સગીર બાળકીને કાર્યાલયમાં લાવવા માટે કહી રહ્યા છે. હવે આ ઑડિયો સામે આવ્યા બાદ તે વિપક્ષો દળોના નિશાના પર આવી ગયા છે.
ત્યારે જ કાર્યવાહી કરશે જ્યારે રેપ પીડિતને લઈને ઑફિસ આવશે
ઓરિસ્સા રાજ્ય બાળ અધિકાર સંરક્ષણ પંચે કથિત ગેંગરેપ કેસમાં ભુવનેશ્વર સ્થિત ખાનગી સમાચાર ચેનલના મેનેજિંગ ડિરેક્ટર જગી પાંડા અને ચેનલના અમુક કર્મચારીઓ સામે કડક કાર્યવાહી કરવાના નિર્દેશ આપ્યા છે. આ ચેનલના અમુક કર્મચારીઓ પર આરોપ છે કે તેમણે સગીર બાળકીને રેપ કર્યો. જે બાદ જગી પાંડાએ બાળકીની માનો સંપર્ક કર્યો હતો. જેમાં તેમણે કહ્યુ હતુ કે તે આ કેસમાં ત્યારે જ કાર્યવાહી કરશે જ્યારે તે પોતાની દીકરીને લઈને તેમની ઑફિસ આવશે.
ઘટનાનો વીડિયો પણ રેકોર્ડ કરી પીડિતાને તે લીક કરવાની ધમકી આપી
ઓરિસ્સા રાજ્ય બાળ સંરક્ષમ આયોગમાં ફરિયાદ લખાવા પહેલા સુધી પીડિત બાળકીની મા ઓરિસ્સા ટીવીમાં રિસેપ્શનિસ્ટ તરીકે કામ કરતા હતા. ફરિયાદ અનુસાર એપ્રિલ-મેના મહિનામાં લગભગ 15 દિવસો સુધી ચેનલના ઘણા કર્મચારીઓ દ્વારા બાળકી સાથે ગેંગરેપ કરવામાં આવ્યો. પીડિતની માએ આરોપ લગાવ્યો કે આરોપીઓએ બાળકીના હાથ-પગ બાંધીને રેપને અંજામ આપ્યો. તેમણે ઘટનાનો વીડિયો પણ રેકોર્ડ કર્યો અને પીડિતાને આ લીક કરવાની ધમકી આપી છે.
જાનથી મારી નાખવાની ધમકી
ફરિયાદકર્તાઓએ આગળ આરોપ લગાવ્યો કે આરોપીઓએ ધમકી આપી છે કે પીડિતાએ તેમના નામનો ખુલાસો કર્યો તો તે મને અને મારી દીકરીને જાનથી મારી નાખશે. પીડિતાની માએ કહ્યુ કે જો કે તેમણે સમાચાર ચેનલના એમડીને મામલાની સૂચના આપી પરંતુ આરોપીઓ સામે કોઈ કાર્યવાહી નથી થઈ અને આ ઘટનાને દબાવી દેવામાં આવી. પીડિતાની માએ આરોપ લગાવ્યો કે એમડીએ ફરિયાદકર્તા પર દબાણ કર્યુ કે તે આ મામલાને આગળ ન વધારે.
Video: ગુજરાતના આ ગામમાં હજુ સુધી એક પણ કોરોના દર્દી નથી