મનસેના નેતાએ તોડ્યો ગિનિસ વર્લ્ડ રેકોર્ડ

By Super

Updated: Wednesday, February 11, 2015, 13:11 [IST]

મુંબઇ, 23 ઑક્ટોબરઃ એક સ્થળ પર અસંખ્ય મીણબત્તી સળગાવવાનો ગીનીસ બુક ઓફ રેકોર્ડ મનસે નેતા રામ કાદમ દ્વારા બનાવવામાં આવ્યો છે. મુંબઇના ઘાટકોપર ખાતે 22મી ઓક્ટોબરે અંદાજે 30 હજાર લોકો દ્વારા મીણબત્તી સળગાવામાં આવી હતી અને તેઓ કૈલાસ ખેરના ગીત પર ઝૂમ્યા હતા.

આ રેકોર્ડ સ્થાપવામાં સહભાગી બનનારે કહ્યું છે કે, હું એ અવિસ્મરણીય પળને ક્યારેય નહીં ભૂલુ અને આ પહેલીવાર બન્યું છે કે એક જ સ્થળ પર 30 હજાર લોકો એકઠાં થયા હોય.

રેકોર્ડ બનાવ્યા બાદ મનસે નેતાએ કહ્યું કે, આ તકે ઘાટકોપરના લોકો જોડાયા તેનાથી હું ઘણો ખુશ થયો છું. નવરાત્રી સમયે આ મીણબત્તી રેકોર્ડથી જીવે દિયાનો સંદેશો વહેતો થયો છે. નવરાત્રી માંનો તહેવાર છે અને ગીનીસ બુક ઓફ વર્લ્ડ રેકોર્ડ સ્થાપીને હું આ દિવસને મારી માટે યાદગાર બનાવવા માંગતો હતો

આ તકે ભાગ લઇ રહેલા લોકોને પ્રોત્સાહિત કરવા માટે બોલિવુડ કોમેડિયન રાજપાલ યાદવ પણ આવ્યો હતો. તેમે કહ્યું, ભારતને વિશ્વના નકશામાં પ્રસિદ્ધ કરતી આ પ્રકારની શ્રેષ્ઠ પળનો ભાગ બનીને હું ઘણો ખુશ છું. આ તકે કરણવીર બ્હોરાએ કહ્યું કે, અહીં જે લોકો ઉપસ્થિત હતા તેમને અને તેમના ઉત્સાહને જોઇને હું અવાચક થઇ ગયો હતો.

અત્રે નોંધનીય છે કે આ પહેલા આ રેકોર્ડ લેબનાનના કાબ ઇલ્યાસના નામે હતો, તેણે 14 સપ્ટેમ્બર 2011ના રોજ એક સ્થળ પર 2959 મીણબત્તીઓ સળગાવીને આ રેકોર્ડ પોતાના નામે કર્યો હતો.