15 મહિનાના માસૂમ બાળકને નિર્દયતાથી મારતી હતી મા, કેમેરામાં કેદ થઈ કરતૂત

ઓરિસ્સામાં એક હ્રદય કંપાવી દેતો કિસ્સો સામે આવ્યો છે જેમાં મા પોતાના 15 મહિનાના બાળકને નિર્દયતાથી પીટી રહી છે.

નવી દિલ્લીઃ મા જેને ભગવાનનુ રૂપ માનવામાં આવે છે તે પોતાના બાળકોની ખુશીઓ માટે કંઈ પણ કરે છે પરંતુ ઓરિસ્સામાં એક હ્રદય કંપાવી દેતો કિસ્સો સામે આવ્યો છે જેમાં મા પોતાના 15 મહિનાના બાળકને નિર્દયતાથી પીટી રહી છે. ઓરિસ્સાના પૂરી જિલ્લામાં એક મહિલા સામે કેસ નોંધવામાં આવ્યો છે. મહિલા પર આરોપ છે કે તેણે 15 મહિનાના દીકરી અને સાસુને ગંભીર રીતે માર્યા છે. આ સમગ્ર ઘટનાનો વીડિયો પણ સામે આવ્યો છે જેમાં જોઈ શકાય છે કે કેટલી નિર્દયતાથી મહિલા પોતાના માસૂ બાળકને મારી રહી છે.

સોશિયલ મીડિયા પર વીડિયો વાયરલ

સીસીટીવી ફૂટેજમાં જોઈ શકાય છે કે મહિલા પોતાના દીકરાને બાંધીને ગંભીર રીતે મારી રહી છે. આ ઘટનાનો વીડિયો સોશિયલ મીડિયા પર ઘણો ઝડપથી વાયરલ થઈ રહ્યો છે. આ ઘટના પૂરીના ગોપ વિસ્તારની છે. ઘટનાનો વીડિયો સામે આવ્યા બાદ પોલિસે કેસ નોંધી લીધો છે. વાસ્તવમાં મહિલાના પતિને એ વિશે ફરિયાદ મળી હતી તે તેની પત્ની ઘરમાં તેની મા અને દીકરા સાથે મારપીટ કરે છે ત્યારબાદ પતિએ ઘરમાં સીસીટીવી કેમેરા લગાવી દીધા હતા.

પતિએ જ શેર કર્યો વીડિયો

સીસીટીવી કેમેરામાં મહિલાની કરતૂત કેદ થયા બાદ મહિલાના પતિ ચક્રધર નાયકે આ બાબતે પોલિસ ફરિયાદ કરી જે બાદ પોલિસે આરોપી મહિલા રોજલિન સામે કેસ નોંધી લીધો છે. માહિતી અનુસાર મહિલાના પતિએ જ ખુદ વીડિયો ફૂટેજને સોશિયલ મીડિયા પર શેર કરી હતી. ફરિયાદમાં કહેવામાં આવ્યુ છે કે મહિલા ઘણી વાર તેના દીકરાને ખરાબ રીતે મારે છે. પતિએ એ આરોપ પણ લગાવ્યો છે કે તેની પત્ની ઘણી વાર તેના માતાપિતા સાથે પણ મારપીટ કરે છે અને તેમને ત્રાસ આપે છે.

મહિલાએ આરોપોનો કર્યો ઈનકાર

વળી,મહિલાએ આ આરોપોને ધરમૂળથી ફગાવી દીધા છે. મહિલાનુ કહેવુ છે કે તેના પતિએ જે પણ આરોપ લગાવ્યા છે તે નિરાધાર છે. મહિલાએ ઉલટાનુ પોતાના પતિ અને સાસુ-સસરા પર આરોપ લગાવ્યા છે કે તે હંમેશા તેને ટૉર્ચર કરે છે. એટલુ જ નહિ મહિલાનુ કહેવુ છે કે તેના સાસુ-સસરા તેને જમવાનુ પણ નથી આપતા. મહિલાએ કહ્યુ કે તેણે ઘણા દિવસોથી મુશ્કેલ સમયમાંથી પસાર થઈ રહી છે. તેને ભૂખના કારણે મુશ્કેલીઓનો સામનો કરવો પડી રહ્યો છે. આના કારણે તેણે તેના બાળકને માર્યુ હતુ. વળી, પોલિસે આ મામલે કેસ નોંધી લીધો છે અને તેની તપાસ કરી રહી છે.

English summary

Mother beats her 15 month child, incident recorded on CCTV camera.