લોહીનો નહી દિલનો સંબંધ: નેપાળમાં છે નરેન્દ્ર મોદીનો 'ધર્મપુત્ર'

નવી દિલ્હી, 1 ઓગષ્ટ: દેશના વડાપ્રધાન નરેન્દ્ર મોદીનો નેપાલ અને હિમાલય સાથે ગાઢ સંબંધ રહ્યો છે. એ બધા જાણે છે કે જીંદગીના કેટલાક વર્ષ નરેન્દ્ર મોદીએ હિમાલયમાં વિતાવ્યા હતા. પરંતુ નેપાળ સાથે નરેન્દ્ર મોદીનો એક ગાઢ અને ખાસ સંબંધ છે. નરેન્દ્ર મોદી ભલે આખી જીંદગી ગૃહસ્થથી દૂર રહ્યાં હોય પરંતુ એક બાળકની તેમણે કિસ્મત બદલી દિધી. જી હાં તમે સાંભળીને દંગ રહી જશો કે આ બાળક નરેન્દ્ર મોદીનો ધર્મપુત્ર છે અને નેપાળનો રહેવાસી છે. નેપાળનો એક છોકરો 14 વર્ષ પહેલાં નરેન્દ્ર મોદીના સંપર્કમાં આવ્યો હતો, તેને એ શિખ્યું કે પૈસા અને અનુભવ કેવી રીતે કમાવી શકાય છે અને કોઇનો વિશ્વાસ કેવી રીતે પ્રાપ્ત કરી શકાય.

આગળની વાત કરતાં પહેલાં તમને જણાવી દઇએ કે નરેન્દ્ર મોદી 3 ઓગષ્ટના દિવસે બે દિવસની નેપાળ યાત્રા પર જઇ રહ્યાં છે. 17 વર્ષ બાદ નેપાળ પણ નરેન્દ્ર મોદીનું ભવ્ય સ્વાગતની તૈયારીમાં લાગી ગયું છે. નેપાળના નવાલપરાસી જિલ્લાનો એક પરિવાર પણ તે સમયે સેલિબ્રેટ કરવામાં વ્યસ્ત છે જ્યારે નરેન્દ્ર મોદી નેપાળની ધરતી પર પગ મુકશે. મૂળ રૂપે નેપાળનો રહેવાલી જીત બહાદુરના પરિવારનું કહેવું છે કે તે મોદીનો ધર્મપુત્ર છે. તેમના અનુસાર જીત પાછળ 12 વર્ષથી તેમની સાથે રહે છે.

જીતની કિસ્મતમાં હતું નરેન્દ્રને મળવું

જીત બહાદુરની માતાએ જણાવ્યું હતું કે જ્યારે તે 10 વર્ષનો હતો 1998માં પોતાના ભાઇ દશરથની સાથે રોજગારની શોધમાં દિલ્હી જતો રહ્યો હતો. ત્યારબાદ નોકરીના ચક્કરમાં જ જીત રાજસ્થાન જતો રહ્યો. જીતને નોકરી ન મળી અને તે પરત ફરવા માંગતો હતો. પરંતુ કિસ્મતને કંઇક બીજું જ મંજૂર હતું. તે ગોરખપુરની ટ્રેનમાં બેસવાના બદલે અમદાવાદની ટ્રેનમાં બેસી ગયો. જીત જ્યારે અમદાવાદ સ્ટેશન પર ઉતર્યો તો તેમની મુલાકાત એક મહિલા સાથે થઇ જેણે પછી નરેન્દ્ર મોદી સાથે મુલાકાત કરાવી.

સારું શિક્ષણ અપાવવા ઉપરાંત નરેન્દ્ર મોદીએ જીતને નેપાળમાં તેમના પરિવારના સભ્યો સાથે ભેટો કરાવવામાં મદદ કરી, એટલા માટે જીતની માતાનું માનવું છે કે તે મોદીનું ધર્મપુત્ર છે. જીતની માતા ખાગિસરા સારુંનું કહેવું છે કે મેં તેને જન્મ આપ્યો હતો પરંતુ નરેન્દ્ર મોદીએ તેના માટે જે કર્યું તે તેનાથી વધુ છે. જીતનો પરિવાર હાલ કવાસાતી લોકાહા ગામમાં રહે છે. જીત હાલ અમદાવાદની એક કોલેજમાં બીબીએ કરી રહ્યો છે.

English summary

It is truly said that the God sends ‘Messiah’ on Earth in different forms! This ‘heart touching’ story of a Nepali boy who came in contact with Prime Minister Narendra Modi 14 years ago teaches how to ‘earn and experience’ someone’s trust.