નીતીશ કુમારે અને રાહુલ ગાંધી સાથે બેઠક યોજી, જાણો શું વાત થઈ?
નીતિશ કુમારે સોમવારે દિલ્હીમાં કોંગ્રેસ નેતા રાહુલ ગાંધી સાથે મુલાકાત કરી હતી. બંને નેતાઓ વચ્ચે લગભગ પચાસ મિનિટ સુધી મુલાકાત ચાલી હતી.
દિલ્હી : નીતિશ કુમારે સોમવારે દિલ્હીમાં કોંગ્રેસ નેતા રાહુલ ગાંધી સાથે મુલાકાત કરી હતી. બંને નેતાઓ વચ્ચે લગભગ પચાસ મિનિટ સુધી મુલાકાત ચાલી હતી. બિહારમાં કોંગ્રેસ સમર્થિત મહાગઠબંધનની સરકાર બન્યા બાદ નીતિશ કુમાર અને રાહુલ ગાંધીની આ પ્રથમ મુલાકાત હતી.
કોંગ્રેસના સૂત્રોના જણાવ્યા અનુસાર. મુખ્યમંત્રી નીતિશ કુમારે બિહાર સરકારને કોંગ્રેસના સમર્થન માટે કોંગ્રેસના સાંસદ રાહુલ ગાંધીનો આભાર માન્યો હતો. આ સાથે 2024ની ચૂંટણીની રણનીતિ અંગે પણ ચર્ચા કરવામાં આવી હતી અને નક્કર ચર્ચા ચાલી રહી છે. આ બેઠકમાં બંને નેતાઓએ સમાન વિચારધારા ધરાવતા પક્ષોને સાથે લાવવાની શક્યતાઓ પર ચર્ચા કરી હતી.
Bihar CM Nitish Kumar met Congress MP Rahul Gandhi, in Delhi pic.twitter.com/y6Sw4yLqXx
— ANI (@ANI) September 5, 2022
બિહારમાં નવી સરકાર બન્યા બાદ રાહુલ ગાંધીએ નીતીશ કુમારને ફોન પર અભિનંદન પાઠવ્યા હતા. આ બેઠક એવા સમયે થઈ છે જ્યારે રવિવારે જ રાહુલ ગાંધીએ ભાજપને હરાવવા માટે એક થવાની વાત કરી છે. આ સાથે જ બિહારમાં સત્તા પરિવર્તન બાદ નીતિશ કુમાર પણ એક થવાની વકાલત કરી રહ્યા છે. સીએમ નીતિશ કુમાર દિલ્હીની ત્રણ દિવસની મુલાકાતે આવ્યા છે. દિલ્હી પહોંચ્યા બાદ સીએમ નીતિશ કુમારે કહ્યું કે તેમને વડાપ્રધાન બનવાની કોઈ ઈચ્છા નથી.
દિલ્હી મુલાકાત દરમિયાન પત્રકારો સાથે વાત કરતા સીએમ નીતિશે કહ્યું કે મને વડાપ્રધાન બનવાની કોઈ ઈચ્છા નથી. હું માત્ર એટલું ઇચ્છું છું કે વિપક્ષ એક સાથે આવે અને ભાજપ સામે લડે, વિપક્ષ એક સાથે આવે તો સારું.
Click it and Unblock the Notifications
Sign in with Google
